Hosea 13:1-16
13 Vann da Ephraim kshvetzt hott, henn leit geziddaht,eah voah hohch ufkohva in Israel,avvah deich Baal deena, is eah shuldich vadda,un is kshtauva.
2 Nau doon si may un may sindicha,si macha gleichnisa aus silvah fa sich selvaht,abgettah es shay gmacht voahra,avvah si voahra awl gmacht mitt mensha hend.Si sawwa, “Di mennah es opfahra vella,missa di abgott-kelvah kissa.”
3 So, zayla si sei vi da meiyet nevvel,vi da dau free meiyets es fagayt,vi shprau es vekk geblohsa vatt fumm dresha-floah,un vi shmohk am aus em shanshtah kumd.
4 “Avvah ich binn da HAH eiyah Gott,deah es eich aus Egypta gebrocht hott.Diah sellet kenn anrah Gott kenna es vi mich,kenn Heiland unni mich laynich.
5 Ich habb acht gevva uf eich in di vildahnis,im drukka un dashtich land.
6 Vo ich si kfeedaht habb, voahra si satt;vo si satt voahra, sinn si shtols vadda,no henn si mich fagessa.
7 So kumm ich uf si vi en layb,vi en leopard am vayk nohch shleicha.
8 Vi en beah es iahra yungi gnumma grikt hott,reis ich iahra brisht uf.Vi en layb fress ich sivi en vild diah si fareisa dayt.
9 Israel, du zaylsht umkumma,veil du geyyich mich bisht,deah es diah helft.
10 Vo is dei kaynich nau,deah es diah helfa kann in awl dei shtett?Vo sinn dei richtah,dee es du ksawt hosht diveyya,‘Gebb miah en kaynich un evvahshti?’
11 So habb ich diah en kaynich gevva in meim zann,un in meim zann, habb ich een vekk gnumma.
12 Em Ephraim sei shulda sinn ufkshtoaht,un sei sinda sinn nunnah kshrivva.
13 Eah hott di shmatza funn en fraw am en kind havva,avvah’s kind hott kenn veisheit;vann di zeit moll kumd,dann brecht eah nett aus em muddahs-leib.
14 Soll ich si zrikk kawfa funn di graft fumm grawb?Soll ich si kawfa fumm doht?Oh doht, vo is dei peshtelens?Oh grawb, vo is dei shtechah?Bamhatzichkeit is fashtekkeld funn mei awwa.
15 Even vann da Ephraim fruchtboah isunnich sei breedah,en east vind fumm HAH zayld kumma,am rei blohsa funn di vildahnis;sei shpring shtobt lawfa,un sei brunna drikkeld uf.Sei shtoah-haus vatt grawbt,un alli keshtlich ding vatt gnumma.
16 Di leit funn Samaria missa iahra shuld shtenda,veil si sich geyyich iahra Gott kshteld henn.Si zayla falla bei em shvatt,iahra kinnah vadda fashmissa uf em bodda,un iahra veibsleit uf em family vaykvadda ufkshlitzt.”
