Jeremia 15:1-21
15 No hott da HAH ksawt zu miah, “Even vann da Mosi un da Samuel fannich miah shtay dayda, doch dayt mei hatz nett zu dee leit drayya. Dreib si vekk funn miah! Loss si gay!
2 Un vann si dich frohwa, ‘Vo sella miah anna gay?’ sawk eena, ‘Dess is vass da HAH sawkt:
Selli es gezayld sinn fa da doht, loss da doht kumma;selli es gezayld sinn fa’s shvatt, loss es shvatt kumma;selli es gezayld sinn fa fahungahra, loss da hungah kumma;selli es gezayld sinn fa kfanga vadda, loss si kfanga vadda.’
3 Ich zayl macha es fiah shreklichi sacha ivvah si kumma,” sawkt da HAH, “es shvatt fa doht macha, di hund fa si vekk shlayfa, un di fekkel in di luft un di diahra uf di eaht fa si fressa biss nix ivvahrich is.
4 Ich zayl si grausam macha zu awl di kaynich-reicha uf di eaht, fa sell es da Manasse, em Hiskia sei boo, gedu hott in Jerusalem vo eah kaynich funn Juda voah.
5 Veah zayld dich davvahra, oh Jerusalem?Veah zayld heila fa dich?Veah zayld shtobba un frohwa vi du bisht?
6 Du vitt nix may vissa funn miah,” sawkt da HAH.“Du bisht abkfalla funn miah,so shtrekk ich mei hand naus ivvah dich un fadaub dich;ich binn’s laydich eigevva!
7 Ich zayl si dresha mitt en dresha-gavvel,an alli shtatt-doah im land.Ich mach si heila bei iahra kinnah vekk nemma,ich mach mei leit doht,veil si sich nett bekeaht henn funn iahra vayya.
8 Iahra vitt-veivah zayla may seies vi da sand am say nohch.In di mitt fumm dawk bring ich aynah es fadaubtuf di maemma funn yungi mennah es umkumma sinn.Bletzlich bring ich angsht un bang uf si.
9 Di maemm mitt sivva kinnah vatt shvach,’s gayt iahra hatt fa shnaufa.Iahra sunn is unnah ganga im hella dawk,see is fashohmd un gedaymeedicht vadda.Selli es ivvahrich sinn, vadda doht gmachtmitt en shvatt funn iahra feinda,”so sawkt da HAH.
Em Jeremia Sei Glawk un Gott Sei Andvat
10 “Vay zu miah, mei maemm, es du mich geboahra hosht,en mann es es gans land shtreit mitt un digeyya is!Ich habb kenn geld glaynd un aw nix naus glaynd,un doch, alli-ebbah faflucht mich.”
11 Da HAH hott ksawt,
“Ich zayl geviss edlichi funn eich ivvahrich halda fa en goodi uahsach;ich zayl eiyah feinda macha eich biddaan di zeit funn angsht un noht.
12 Kann en mann eisa fabrecha,eisa funn di natt un bronze?
13 Ich zayl dei geld un keshtlich shtoftzu di rawvah gevva unni es si’s betzawla,fa awl dei sindadeich dei gans land.
14 Ich zayl dich macha dei feinda deenain en land es du nett kensht,fa mei zann is ohkshtekt vi en feiyahes brend geyyich dich.”
15 “Du fashtaysht, oh HAH,denk an mich un gebb acht uf mich.Nemm’s aus uf mei fafolkah fa mich.Du bisht geduldich, nemm mich nett vekk,denk droh es ich am fashpott vadda binn fa dei sayk.
16 Dei vadda voahra kfunna, un ich habb si gessa,dei vadda sinn mei frayt un da drohsht funn meim hatz,fa ich binn kaysa bei deim nohma,oh HAH Awlmechtichah Gott.
17 Ich habb nee nett zammah kokt mitt di shpoddah,un habb nee nett kshpass gmacht mitt eena;ich habb mich laynich kalda veil dei hand uf miah voah,un du mich kfild hosht mitt zann.
18 Favass habb ich immah shmatza,favass dutt mei vayyah blatz nett hayla?Zaylsht du mich fafiahra vi en vassah-grikkes drukka gayt im summah?”
19 Nau dess is vass da HAH sawkt:“Vann du dich zrikk draysht zu miah,dann nemm ich dich viddah zrikk,un du kansht viddah mei deenah sei;vann du sacha shvetsht es diveaht sinn,un nett sacha es nix veaht sinn,dann daufsht du viddah shvetza fa mich.Di leit zayla zu diah drayya,avvah du musht nett zu eena drayya.
20 Ich zayl dich macha vi en vand zu dee leit,en mavvah shteik gmacht mitt bronze;si zayla geyyich dich fechta,avvah zayla dich nett ivvah-kumma,veil ich bei diah binnun dich aus di kfoah hald,”so sawkt da HAH.
21 “Ich hald dich aus di hand funn di ungettlicha,un nemm dich aus di hand funn di gvaldicha.”