Jeremia 17:1-27
17 “Juda iahra sind is nunnah kshrivva mitt en eisichah maysel,en shpitzichah diamond maysel es iahra sind in da shtayfunn iahra hatz kakt hott, un uf di hanna funn iahra awldahra.
2 Even iahra kinnah meinda noch funn iahra awldahra,un funn di Ashera-poshtanayvich di greena baym,uf di hohcha hivla,
3 un uf di berga draus im land.Eiyah geld un awl eiyah keshtlich sach,un aw eiyah hohchi bletzgebb ich zu eiyah feinda,veil diah ksindicht hend im gansa land.
4 Diah misset eiyah eahbshaft ufgevvaes ich gevva habb zu eich.Ich mach eich gnechta fa eiyah feindain en land es diah nett kenna doond,veil diah mei zann ohkshtekt hendun ah zayld brenna fa’immah.”
5 Dess is vass da HAH sawkt:
“Faflucht is sellah es sich uf mensha falost,un zu flaysh gukt fa sei grefta,sellah es sei hatz vekk drayt fumm HAH.
6 Eah zayld sei vi en hekka-putsha in di vildahnis,un zayld’s gooda nett sayna vann’s kumd.Eah voond draus in di drukkana bletz in di vildahnis,in en salsich land vo nimmand shunsht voond.
7 Avvah ksaykend is da mann es sich uf da HAH falost,sellah es sei fadrauwa in een dutt.
8 Eah is vi en bohm es bei em vassah geblanst is,es sei vatzla naus shtrekt an’s vassah.Eah feicht sich nett vann di hitz kumd,sei bleddah sinn immah gree.Eah hott kenn bang vann en drukka yoah kumd,un heaht nett uf frucht gevva.”
9 Es hatz is fafiahrich ovvich alles shunsht un oahrich veesht.Veah kann’s fashtay?
10 “Ich, da HAH, gukk in’s hatzun broviah di gedanka;ich gebb em mann vass zu eem heaht,bei vi eah laybt un vass eah dutt.”
11 En mann es uneahlich reich vatt,is vi en fokkel es oiyah raus breet unni si layya.In di mitt funn sei layva, falost sei geld eenun am end is eah yusht vi en unksheidah.
12 Unsah tempel drovva uf em hivvel isvi en hallichah kaynich-shtool es voah fumm ohfang.
13 Oh HAH, du bisht di hofning funn Israel,awl selli es dich falossa, missa sich shemma.Selli es vekk drayya funn diah,greeya iahra nohma in da shtawb kshrivva,veil si da HAH falossa henn,deah es di shpring funn ayvich vassah is.
Da Jeremia Frohkt Da HAH Fa Hilf
14 Hayl mich, oh HAH, no binn ich kayld;helf miah, no greeyich hilf,fa du bisht sellah es ich lohb.
15 Si halda oh sawwa zu miah,“Vo is em HAH sei vatt?Loss es blatz nemma nau!”
16 Ich habb nett kshtobt en shohf-heedah sei fa dich,ich habb da dawk funn druvvel nett uf si gvinsht.Du vaysht alles es ich ksawt habb.
17 Mach mich nett engshtlich sei;du bisht mei hilf im dawk funn druvvel.
18 Loss selli sich shemma es mich fafolka,avvah hald mich fumm shohm.Loss si fagelshtaht sei,avvah loss mich nett angsht havva.Bring da dawk funn druvvel uf si,shtrohf si zvay mohl mitt fadeahvung.
Da Sabbat-Dawk Muss Kalda Sei
19 Dess is vass da HAH ksawt hott zu miah: “Gay un shtay in’s doah funn di leit vo di kaynicha funn Juda nei un raus gayn. No shtay aw in awl di anra doahra funn Jerusalem.
20 Sawk zu eena, ‘Heichet’s vatt fumm HAH, diah kaynicha funn Juda, awl di leit funn Juda un alli-ebbah es in Jerusalem voond un deich dee doahra kumd.
21 Dess is vass da HAH sawkt: Seind shuah es diah nett en loht drawwet uf em Sabbat-Dawk adda’s deich di doahra funn Jerusalem bringet.
22 Bringet nett en loht aus eiyah heisah un doond kenn eahvet uf em Sabbat-Dawk. Haldet da Sabbat-Dawk heilich, vi ich eiyah foah-feddah gebodda habb.
23 Doch henn si nett keicht un henn sich nix drumm bekimmaht, si henn sich kshteibaht un mich nett abkeicht adda sich recht setza glost.
24 Avvah vann diah miah heichet, sawkt da HAH, un bringet kenn loht deich di shtatt-doahra uf em Sabbat-Dawk, un haldet da Sabbat-Dawk heilich bei nett shaffa,
25 no zayla di kaynicha es uf em Dawfit sei kaynich-shtool hokka deich dee shtatt-doahra kumma mitt iahra evvahshti. Si un iahra evvahshti zayla kumma uf veyya un uf geil mitt di mennah funn Juda un selli es in Jerusalem voona. No zayla leit in Jerusalem voona fa’immah.
26 Leit zayla kumma funn di shtett in Juda, funn di shtett um Jerusalem rumm, fumm land funn Benjamin, funn di niddahra lendah un di hohcha lendah un funn di saut. Si zayla brand-opfahra, shlacht-opfahra, shpeis-opfahra, insens un dank-opfahra an’s haus fumm HAH bringa.
27 Avvah vann diah miah nett heichet fa da Sabbat-Dawk halda bei ebbes deich di doahra funn Jerusalem drawwa uf em Sabbat-Dawk, dann shtekk ich en feiyah oh es nett ausgmacht sei kann in di doahra funn Jerusalem, un es iahra kaynich-heisah folshtendich ufbrend.’”
