Jeremia 30:1-24
30 Dess is es vatt es zumm Jeremia kumma is fumm HAH:
2 “Dess is vass da HAH, da Gott funn Israel, sawkt: ‘Shreib alles es ich ksawt habb zu diah in en buch.
3 Di dawwa sinn am kumma,’ sawkt da HAH, ‘vann ich mei leit Israel un Juda es kfanga sinn, zrikk bring un gebb eena’s land viddah es ich zu iahra foah-feddah gevva habb fa iahra ayknes sei.’ So sawkt da HAH.”
4 Dess sinn di vadda es da HAH ksawt hott veyyich Israel un Juda:
5 “Dess is vass da HAH sawkt:
‘Miah henn en shtimm funn angsht keaht,funn furcht un nett funn fridda.
6 Frohk nau moll un sayn:Kann en mann kinnah havva?So favass sayn ich alli shteikah mannmitt sei hend uf em bauch,vi en fraw am en kind havva?Favass is alli ksicht blayich?
7 Vi furchtboah zayld sellah dawk sei!Es zayld sei vi kenn anra.Es is di zeit fumm Jakob sei druvvelavvah eah zayld frei gmacht sei difunn.
8 In sellem dawk,’ sawkt da Awlmechtich HAH,‘brech ich’s yoch ab funn iahra helsun reis iahra banda ab;si zayla nimmi leit deena funn fremdi lendah.
9 In blatz funn sell, deena si da HAH iahra Gott,un iahra kaynich fumm Dawfit sei nohch-kummashaft,es ich ivvah si setza zayl.
10 So feich dich nett, mei gnecht Jakob,habb kenn angsht, oh Israel,’ sawkt da HAH,‘Ich hohl eich zrikk funn veit ab,un eiyah nohch-kummashaft fumm land es eich kfanga hott.Da Jakob zayld viddah en fridlich un goot layva havva,nimmand zayld een sich feicha macha.
11 Ich binn mitt diah un mach dich frei,’ sawkt da HAH.‘Ich mach en end funn awl selli lendahvo ich eich ausnannah kshtroit habb drinn,avvah ich mach kenn folshtendich end funn eich.Ich shtrohf eich mitt vass recht is,avvah ich loss eich nett unkshtrohft gay.’
12 Dess is vass da HAH sawkt:
‘Du bisht vay gedu un kansht nett kayld sei,dei vayyah blatz vatt nimmi goot.
13 Nimmand shvetzt uf fa dich,dei soah vatt nett kayld,du vasht nimmi ksund.
14 Dei freind henn dich fagessa.Si gevva nix um dich.Ich habb dich kshlauwa vi en feind dayt,un habb dich kshtrohft vi ebbah veeshtes,veil dei shuld so grohs is,un dei sinda so feel sinn.
15 Favass glawksht du veil du vay gedu bisht?Dei shmatza kenna nett kshtobt sei.Deich dei grohsi shuld un feel sindahabb ich dee sacha gedu zu diah.
16 Awl selli es dich kfressa henn vadda kfressa,awl dei feinda vadda kfanga un vekk gnumma.Selli es dich grawbt henn vadda grawbt,un selli es dich veesht gyoost henn,vadda veesht gyoost.
17 Avvah ich zayl dich ksund machaun dich hayla vo du vay dusht,’sawkt da HAH,‘veil du nix gezayld bisht,un nimmand gebt ebbes um Zion.’
18 Dess is vass da HAH sawkt:
‘Gukk moll, ich mach em Jakob sei tents viddah frei,un zayl bamhatzich sei uf sei gebeiyah;di shtatt vatt viddah ufgebaut uf iahra aldah shtay haufa,un’s kaynich-haus zayld am rechta blatz shtay.
19 Funn eena kumma dank-leedahun di yacht funn frayt un singes.Si zayla sich fameahra,un nett vennichah vadda.Ich bring eah zu eena,un si vadda nett fa’acht.
20 Iahra kinnah zayla sei vi eahshtah,si vadda en aynichi leit un shtayn gegrund fannich miah;ich shtrohf selli es si nunnah dredda.
21 Iahra foah-gengah zayld ayns funn eena sei,un iahra evvahshtah kumd aus iahra mitt.Ich mach een nayksht zu miah sei un ich kumm nayksht zu eem,fa veah dayt drauwa funn sich selvaht zu miah kumma?’sawkt da HAH.
22 ‘So zaylet diah mei leit sei,un ich zayl eiyah Gott sei.’”
23 Gukket moll, da shtoahm fumm HAHzayld raus brecha in zann,en shreklichah vind-veahveluf da kobb funn di ungettlicha.
24 Da zann fumm HAH zayld nett zrikk drayyabiss eah folshtendich ausrichtvass eah im sinn hott zu du.In di letshta dawwazaylet diah dess recht fashtay.