Jeremia 45:1-5
45 Dess is vass da brofayt Jeremia ksawt hott zumm Baruch em Neria sei boo, im fiaht yoah fumm Josia sei boo, da Joiakim vo eah kaynich voah funn Juda. Dess voah noch demm es da Baruch em Jeremia sei vadda in en buch kshrivva hott.
2 Da Jeremia hott ksawt, “Dess is vass da HAH da Gott funn Israel sawkt zu diah, Baruch:
3 Du hosht ksawt, ‘Vay zu miah! Da HAH hott dreebsawl ovva uf mei shmatza gedu. Ich binn ausgvoahra funn yammahra un ich kann kenn roo finna.’”
4 Da HAH hott ksawt, “Sawk zu eem: ‘Dess is vass da HAH sawkt: Ich zayl nunnah reisa vass ich ufgebaut habb, un aus di vatzel zeeya vass ich geblanst habb deich’s gans land.
5 Bisht du am grohsi sacha sucha fa dich selvaht? Such si nett. Fa ich zayl shreklichi sacha uf alli leit bringa,’ sawkt da HAH, ‘avvah ich loss dich frei gay mitt deim layva vo-evvah es du anna gaysht.’”