Jeremia 47:1-7
47 Dess is es vatt fumm HAH es zumm brofayt Jeremia kumma is veyyich di Philishtah eb da Pharao Gaza kfochta hott.
2 Dess is vass da HAH sawkt:
“Gukk moll vi di vassahra funn di nattam ruff kumma sinn;si kumma ruff un lawfa shteik.Si lawfa ivvah’s gans land un filla’s uf,un awl di shtett un selli es drinn voona.Di leit greisha naus;awl di leit im land zayla heila,
3 vann si di geil heahra kumma zu shpringa,un di yacht funn di greeks-veyya,mitt iahra reddah am rabla.Di feddah zayla sich nett zu iahra kinnah drayyafa eena helfa;iahra hend henka nunnah un sinn matt.
4 Fa da dawk is kummavann awl di Philishtah folshtendich ausgrivva vadda,un nimmand bleibt ivvahriches Tyrus un Sidon helfa kann.Da HAH zayld di Philishtah umbringa,selli vass ivvahrich sinn am say nohch funn Kaphthor.
5 Gaza heild un shayft sei kobb;di leit funn Askalon sinn gans shtill.Vi lang zaylet diah eich shneida,diah es ivvahrich sind funn di valley?
6 ‘Oh du shvatt fumm HAH,vi lang zayld’s sei biss du roowa zaylsht?Gay zrikk in dei leddah-sakkun hayb dich shtill.’
7 Avvah vi kann’s shvatt roowavann da HAH’s gebott gevva hott,vann eah’s gebott gevva hottfa Askalon shlauwa am say nohch?”