Jesoiya 23:1-18
23 En zeiya veyyich Tyrus:Heilet diah shiffah funn Tharsis!fa Tyrus is zammah grissa,un’s is kenn haus adda blatz fa shiffah ohbinna.Fumm land funn Cyprusis dess vatt zu eena kumma.
2 Seind ruich, diah es am say nohch voonet,un diah kawf-leit funn Sidon.Eiyah shiffah sinn ivvah da say ganga,
3 un voahra uf feel vassahra.Es frucht fumm Nile, un di eahn fumm Revvahhott Tyrus reich gmacht,un see voah di kawf-shtatt funn di heida.
4 Shemm dich du Sidon, un du feshtah-blatz am say,fa da say shvetzt un sawkt,“Ich habb nee kenn muddahs-shmatza kattun aw kenn kind katt,un ich habb kenn boova adda mayt ufgezowwa.”
5 Vann’s vatt zu Egypta kumddann zayla si engshtlich seiivvah vass es gevva hott zu Tyrus.
6 Gaynd ivvah da say zu Tharsis,heilet diah es am say nohch voonet.
7 Is dess di fraylich shtatt funn Tyrus,di ald shtatt funn vay zrikk,selli es iahra fees see veit vekk gnumma hott,veit vekk in anri lendah fa datt voona?
8 Veah hott dess auskshaft geyyich Tyrus,dee shtatt es kaynicha gmacht hott,dee es iahra kawf-leit di evvahshti voahra,un iahra fakawfah hohch-geaht voahra uf di eaht?
9 Da Awlmechtich HAH hott dess gedu,fa iahra shtolsheit un hallichkeit vekk nemma,un fa awl selli daymeedicha es hohch gacht sinn uf di eaht.
10 Shaffet eiyah land vi si doon am Nile Revvah nohch,oh Dochtah funn Tharsis,fa’s is kenn graft may ivvahrich.
11 Da HAH hott sei hand naus ivvah da say kshtrekt,un hott di kaynich-reicha gmacht ziddahra.Eah hott en gebott gevva veyyich Kanaan,es di mechticha bletz datt nunnah grissa vadda.
12 Eah hott ksawt, “Du solsht nimmi fraylich sei,du leddich maydel un dochtah funn Sidon,du es nunnah gedredda bisht.Shtay uf un gay nivvah in Cyprus,even datt findsht du kenn roo.”
13 Gukk an’s land funn di Chaldayah,di leit es nimmi sinn.Assyria hott’s en blatz gmachtfa vildi diahra.Si henn tavvahs an di vanda nohch gebaut,henn iahra kaynich-heisah grawbt,un henn di shtatt zammah grissa.
14 Heilet diah shiffah funn Tharsis,fa eiyah mechtichah blatz is nunnah grissa.
15 An selli zeit zayld Tyrus fagessa sei fa sivvatzich yoah, di zeidlang funn en kaynich. Avvah am end funn dee sivvatzich yoah zayld’s gay mitt Tyrus vi im leet funn di huah:
16 “Nemm dei harf un lawf deich di shtatt,du fagessani huah;shpeel dei harf goot un sing feel leedah,so es du viddah droh gedenkt vasht.”
17 Am end funn sivvatzich yoah zayld da HAH zrikk gay zu Tyrus. No gayt see viddah zrikk zu iahra aldi vayya un laynd sich naus zu awl di kaynich-reicha uf di eaht.
18 Avvah vass see fahandeld un vass see fadeend zayld zumm HAH heahra. See shtoaht’s nett uf un hald’s fa sich selvaht. Vass see macht gayt zu selli es fannich em HAH voona, so es si genunk ess-sach un shayni glaydah henn.
