Jesoiya 53:1-12
53 Veah hott geglawbt vass miah nau sawwa,un zu vemm voah di graft fumm HAH sei oahm gvissa?
2 Eah is ufgvaxa fannich eem vi en blansa,vi en vatzel in drukkanah grund.Eah voah nett shay adda hohch-eahliches miah een ohgukka sedda.Nix fa een ohgukka sett uns zu eem zeeya.Miah sedda nett zu eem gezowwa sei bei een ohgukka.
3 Eah voah gezayld vi nix,un voah nett ohgnumma bei mensha,en mann mitt dreebsawl un shmatza.Eah voah aynah es leit nett ohgegukt henn.Eah voah gezayld vi drekk,un miah henn nix zu du havva vella mitt eem.
4 Doch hott eah unsah grankeda uf sich selvaht gnumma,un unsah shmatza gedrawwa;avvah miah henn gmaynd eah voah am kshtrohftun kshlauwa vadda bei Gott, un in aylenda glost.
5 Avvah eah voah vay gedu fa unsah ivvah-dreddes,un voah kshlauwa fa unsah sinda.Uf eem leit di shtrohf es uns fridda gebt,un deich sei shtraych, sinn miah kayld.
6 Miah voahra awl vi shohfes sich faloahra henn;yaydahs funn unsis sei ayknah vayk ganga.Un da HAH hott awl unsah sindauf een glaykt.
7 Eah voah veesht gyoost un vay gedu,avvah eah hott sei maul nett uf gmacht;vi en lamm kfiaht vatt fa kshlacht sei,un vi en shohf shtill is fannich di sheahrah,so hott eah sei maul nett uf gmacht.
8 Aus em kfengnis un di gericht,voah eah vekk gnumma;un veah funn sei zeit hott sich bekimmaht,es eah aus em land funn di levendicha gnumma voah,un es eah kshlauwa voah fa di sinda funn mei leit?
9 Eah voah in en grawb gedu mitt di gottlohsa,un mitt di reicha in seim doht,even vann eah nix letzes gedu hott,un kenn falshheit in seim maul gvest voah.
10 Doch voah’s em HAH sei villafa een shlauwa mitt grankheit un dreebsawl.Un veil eah sich gopfaht hott fa sinda,zayld eah sei nohch-kummashaft saynaun sei layva falengahra.Un em HAH sei villa vatt ausgedrawwabei sei hand.
11 Veil sei sayl so feel glidda hott,zayld eah’s licht fumm layva saynaun zufridda sei.Bei sei eisicht, zayld mei Gerechtah Gnechtfeel leit gerecht macha,un zayld iahra sinda drawwa.
12 Fasell gebb ich eem en dayl unnich di hohch-gachta,un sell es gnumma vatt zayld eah fadayla mitt di mechticha,veil eah sei layva ausgleaht hott zumm dohtun voah gnambaht mitt di sindah.Eah hott di sinda gedrawwa fa feel,un hott gebayda fa di ivvah-dreddah.
