Nehemia 7:1-73
7 Noch demm es di mavvah ivvah gebaut voah, un ich di doahra kanka katt habb, voahra di doah-heedah, di singah un Lefiddah eiksetzt.
2 Ich habb mei broodah, da Hanani un da Hanania eiksetzt fa Jerusalem ivvah-sayna. Da Hanania voah da greeks-hauptmann ivvah’s greeks-gebei. Eah voah en shtandhaftichah mann un hott may Gottes-furcht katt es anri.
3 Ich habb ksawt zu eena, “Di doahra funn Jerusalem sella nett uf gmacht sei biss di sunn hays is. Un diveil es di doah-heedah noch datt sinn, sella di doahra zu gmacht sei un di rikkel in da blatz gedu sei. Di heedah sella eiksetzt vadda aus di leit es in Jerusalem voona. Dayl sella an iahra vatsh-bletz gay un anri nayksht an iahra heisah.”
Di Leit Es Zrikk Kumma Sinn Vadda Gnambaht
4 Di shtatt voah grohs rumm mitt feel blatz, avvah’s voahra nett feel leit drinn, un di heisah voahra noch nett ivvah gebaut.
5 So hott mei Gott’s in mei hatz gedu fa di evvahshti, di foah-gengah un di ivvahricha leit zammah fasamla fa gezayld un ufkshrivva vadda bei iahra freindshafta. No habb ich’s nohch-kummashaft buch kfunna funn selli es seahsht zrikk kumma sinn. Dess is vass ich kfunna habb datt drinn:
6 Dess sinn di leit funn di landshaft es zrikk kumma sinn funn selli es kfanga voahra, un es da Nebukadnezar, da kaynich funn Babylon, vekk kfiaht hott. Si sinn zrikk zu Jerusalem un Juda kumma, yaydahs zu sei aykni shtatt.
7 Si sinn kumma mitt em Serubabel, em Jesua, em Nehemia, em Asaria, em Raamia, em Nahamani, em Mordecai, em Bilshan, em Mispereth, em Bigevai, em Nehum un em Baana. Dess sinn di nambahs funn di mennah funn di leit funn Israel:
8 di kinnah fumm Parosh 2,172
9 di kinnah fumm Sephatia 372
10 di kinnah fumm Arah 652
11 di kinnah fumm Pahath-Moab (deich di kinnah fumm Jesua un em Joab) 2,818
12 di kinnah fumm Elam 1,254
13 di kinnah fumm Satthu 845
14 di kinnah fumm Sakkai 760
15 di kinnah fumm Binnui 648
16 di kinnah fumm Bebai 628
17 di kinnah fumm Asgad 2,322
18 di kinnah fumm Adonikam 667
19 di kinnah fumm Bigevai 2,067
20 di kinnah fumm Adin 655
21 di kinnah fumm Ater (deich da Hiskia) 98
22 di kinnah fumm Hasum 328
23 di kinnah fumm Bezai 324
24 di kinnah fumm Hariph 112
25 di kinnah fumm Gibeon 95
26 di mennah funn Bethlehem un Netopha 188
27 di mennah funn Anathoth 128
28 di mennah funn Beth-Asmaveth 42
29 di mennah funn Kiriath-Jearim, Kephira un Beeroth 743
30 di mennah funn Rama un Geba 621
31 di mennah funn Michmas 122
32 di mennah funn Beth-El un Ai 122
33 di mennah fumm anra Nebo 52
34 di kinnah fumm anra Elam 1,254
35 di kinnah funn Harim 320
36 di kinnah funn Jericho 345
37 di kinnah funn Lod, Hadid un Ono 721
38 di kinnah funn Senaa 3,900.
39 Di preeshtah: di kinnah fumm Jedaia (deich di family fumm Jesua) 973
40 di kinnah fumm Immer 1,052
41 di kinnah fumm Pashur 1,247
42 di kinnah fumm Harim 1,017.
43 Di Lefiddah: di kinnah fumm Jesua (deich da Kadmiel, es funn di kinnah fumm Hodavia voah) 74.
44 Di singah: di kinnah fumm Asaph 148.
45 Di doah-heedah: di kinnah fumm Sallum, fumm Ater, fumm Talmon, fumm Akkub, fumm Hatita un fumm Shobai 138.
46 Di tempel-gnechta: di kinnah fumm Ziha, fumm Hasupha, fumm Tabbaoth,
47 di kinnah fumm Keros, fumm Sia, fumm Padon,
48 di kinnah fumm Lebana, fumm Hagaba, fumm Salmai,
49 di kinnah fumm Hanan, fumm Giddel, fumm Gahar,
50 di kinnah fumm Reaia, fumm Rezin, fumm Nekoda,
51 di kinnah fumm Gassam, fumm Usa, fumm Pasea,
52 di kinnah fumm Besai, fumm Meuniter, fumm Nephusiter,
53 di kinnah fumm Bakbuk, fumm Hakupha, fumm Harhur,
54 di kinnah fumm Bazlith, fumm Mehida, fumm Harsa,
55 di kinnah fumm Barkos, fumm Sisera, fumm Temah,
56 di kinnah fumm Neziah un fumm Hatipha.
57 Di kinnah fumm Solomon sei gnechta voahra: di kinnah fumm Sotai, fumm Sophereth, fumm Perida,
58 di kinnah fumm Saala, fumm Darkon, fumm Giddel,
59 di kinnah fumm Sephatia, fumm Hattil, fumm Pochereth funn Zebaim, un di kinnah fumm Amon.
60 Awl di tempel-gnechta un di kinnah fumm Solomon sei gnechta voahra 392.
61 Dess sinn selli es ruff kumma sinn funn di shtett Tel-Melah, Tel-Harsha, Kerub, Addon un Immer, avvah si henn nett veisa kenna es iahra families funn di nohch-kummashaft funn Israel voahra.
62 Si voahra di kinnah fumm Delaia, fumm Tobia un fumm Nekoda 642.
63 Un selli unnich di preeshtah voahra di kinnah fumm Hobaia, fumm Hakkoz, un fumm Barsillai. (Da Barsillai hott em Barsillai funn Gilead sei maydel keiyaht, no hott eah sei fraw iahra family nohma gnumma.)
64 Dee henn iahra foah-feddah iahra nohch-kummashaft ufksucht avvah si henn si nett finna kenna, so voahra si nett alawbt fa preeshtah sei veil si unrein voahra.
65 Un da govvenah hott’s nett alawbt es si fumm heilicha preeshtah ess-sach essa daufa biss en preeshtah uf shtay hott kenna mitt em Urim un em Thummim.
66 Alles zammah selli es zrikk kumma sinn voahra 42,360,
67 nayvich iahra 7,337 mansleit un veibsleit bunds-gnechta. Si henn aw 245 mansleit un veibsleit singah katt.
68 Si henn 736 geil katt un 245 aysla,
69 mitt 435 kamayla un 6,720 donkeys.
70 Samm funn di evvahshti families henn funn iahra shtoft gevva geyyich di eahvet. Da govvenah hott 1,000 shtikkah gold, 50 shisla un 530 preeshtah-rekk in’s shtoah-haus gevva.
71 Samm funn di family evvahshti henn 20,000 shtikkah gold un 2,200 shtikkah silvah in’s shtoah-haus gevva.
72 Un sell es di ivvahricha leit gevva henn voah 20,000 shtikkah gold, 2,000 shtikkah silvah un 67 preeshtah-rekk.
73 Di preeshtah, di Lefiddah, di doah-heedah, di singah, di tempel-gnechta, di anra leit un gans Israel sinn in iahra shtett nei gezowwa.