Psalm 126:1-6
En leet fa ksunga sei uf em vayk nuff an Jerusalem.
126 Vo da HAH di kfangana zrikk zu Zion gebrocht hott,voahra miah vi mennah am drohma.
2 Unsah meilah voahra kfild mitt laches,un unsah zunga henn ksunga mitt frayt.No voah’s ksawt gvest unnich di heida,“Da HAH hott grohsi sacha gedu fa si.”
3 Yau, da HAH hott grohsi sacha gedu fa uns,un miah sinn froh.
4 Oh HAH, mach uns shteik vi difoah,so vi di vassah-grikka in di saut.
5 Selli es sayya mitt awwa-vassah,zayla eahnda mitt frayt un singes.
6 Sellah es naus gayt am heila,un drawkt sei sohma fa sayya,zayld viddah zrikk kumma am singa mitt frayt,un zayld sei shayb mitt sich bringa.
