Psalm 149:1-9
149 Halleluja!Singet en nei leet zumm HAH;di fasamling funn di saylicha soll een lohva.
2 Loss Israel froh sei fa deah es si gmacht hott;di kinnah funn Zion sella sich froiya fa iahra Kaynich.
3 Loss si sei nohma lohva mitt dansa;si sella een deena mitt grohsi un glenni harfa.
4 Fa da HAH hott blesiah in sei leit,eah dekt di daymeedicha ivvah mitt saylichkeit.
5 Loss di saylicha froh sei in iahra hallichkeit,un singa mitt frayt vann si sich anna leiya.
6 Loss Gott sei lohb in iahra meilah sei,un zvay-shneidichi shvadda in iahra hend,
7 so es si di heida zrikk betzawla,un di leit shtrohfa doon,
8 un so es si iahra kaynicha binna mitt kedda,un iahra eldishti mitt eisichi banda,
9 un so es di gericht ausgedrawwa vatt es kshrivva is geyyich si.Dess is hallichkeit fa awl sei saylichi.Halleluja!
