Psalm 91:1-16
91 Sellah es unnich em dach fumm Alli-Haychshta bleibt,zayld im shadda fumm Awlmechticha voona.
2 Ich zayl zumm HAH sawwa, “Du bisht mei sayfah Roo-Blatz,un mei shteik Greeks-Haus;du bisht mei Gott es ich drauwa du.”
3 Eah zayld dich aus em fekkel-fangah sei fall halda,un funn fadeahblich peshtelens.
4 Eah dekt dich zu mitt sei feddahra,un du bisht aus di kfoah unnich sei flikkel;sei voahheit is en dach un en shield.
5 Du zaylsht dich nett feicha veyyich em angsht funn di nacht,adda da arrow es fleekt deich da dawk,
6 un aw nett veyyich di peshtelens es kumd nachts,adda di fadeahbnis es doht macht am middawk.
7 En dausend mechta falla an dei seit,un zeyya dausend an dei rechtsi hand,avvah doch’s zayld dich nett dreffa.
8 Du zaylsht yusht gukka mitt dei awwa,un sayna vi di gottlohsa kshtrohft vadda.
9 Veil du da HAH dei Roo-Blatz gmacht hosht,un da Alli-Haychsht dei Voon-Blatz,
10 dann vatt kenn evil ivvah dich kumma,un aw kenn grankheit nayksht an dei haus kumma.
11 Fa eah zayld sei engel en gebott gevva,es si dich heeda in awl dei vayya.
12 Si zayla dich uf hayva mitt iahra hend,so es du dei foos nett veddah en shtay shtohsht.
13 Du zaylsht uf da layb un di shlang dredda;da yung layb un di giftich shlang zaylsht du fashtamba.
14 “Veil eah mich leeb hott,dann zayl ich een frei macha,” sawkt da HAH;“veil eah mei nohma vayst,dann zayl ich een heeda.
15 Eah zayld mich roofa, un ich gebb eem andvat;ich zayl bei eem sei in druvvel;ich zayl een frei macha un eem eah gevva.
16 Ich zayl een zufridda macha mitt en lang layva,un zayl eem mei saylichkeit veisa”.
