Shpricha 9:1-18
9 Di veisheit hott iahra haus gebaut;see hott iahra sivva poshta raus kakt.
2 See hott iahra fee kshlachta, iahra vei gmixt,un iahra dish grisht.
3 See hott iahra mawda naus kshikt,si rooft funn di haychshta bletz in di shtatt:
4 “Loss selli es nett oahrich shmeaht sinn do rei kumma!”un zu selli unni goodah fashtand sawkt see:
5 “Kummet un esset funn meim broht,un drinket funn meim vei es ich grisht habb.
6 Falosset eiyah dummi vayya un greeyet layva,un lawfet im vayk funn eisicht.
7 Veah en shpoddah recht setzt, vatt yusht gebyoost difoah,un veah en gottlohsa mensh recht setzt, vatt fafolkt.
8 Du nett en shpoddah recht setza adda eah hast dich,avvah setz en mann mitt veisheit recht, un eah leebt dich.
9 Lann en mann mitt veisheit, un eah zayld may veisheit havva,lann en gerechtah mann, un eah macht sich may lanning.
10 Di furcht fumm HAH,is da ohfang funn veisheit,un fa Sellah Heilich lanna kenna, is fashtand.
11 Fa deich mich vadda dei dawwa feel,un di yoahra funn deim layva vadda may.
12 Vann du veisheit hosht, dann is es zu dei ayya goot,avvah vann du shpotsht, dann musht du’s selvaht drawwa.”
13 En fraw mitt dumheit is en laut veibsmensh;si hott kenn veisheit un vayst nix.
14 See hokt an di deah funn iahra haus;see hokt uf en sitz am haychshta blatz in di shtatt,
15 un rooft naus zu selli es fabei gayn,zu selli es grawt on uf iahra vayk gayn.
16 “Loss selli es nett oahrich shmeaht sinn do rei kumma!”Un zu selli unni goodah fashtand sawkt see,
17 “Kshtohla vassah is sees,un ess-sach es gessa is hinna rumm is blesiahlich!”
18 Avvah leit vissa nett es alli-ebbah um kumd es zu iahra gayt,un es selli es see psucha shund im deefa grawb sinn.
