Zephania 1:1-18
1 Dess is es Vatt fumm HAH es zumm Zephania kumma is deich’s reich fumm Josiah, em Amon sei boo, vo eah da kaynich funn Juda voah. Da Zephania voah em Chusi sei boo, un da Chusi voah em Gedalia sei boo, un da Gedalia voah em Amariah sei boo, un da Amariah voah em Hiskia sei boo.
Em HAH Sei Vanning Geyyich Juda
2 “Ich zayl alles folshtendich vekk butzafunn di eaht,”sawkt da HAH.
3 “Ich zayl di mensha un di diahra vekk nemma,ich nemm di fekkel im himmel vekk,un di fish im say.Ich mach di gottlohsa falla,un ich shneit da mensh ab funn di gans eaht,”sawkt da HAH.
4 “Ich zayl mei hand naus shtrekka geyyich Juda,geyyich awl selli es in Jerusalem voona.Ich shneit ab funn demm blatz alles es ivvahrich is funn Baal,un di nayma funn di abgott-preeshtah,un aw di preeshtah es vekk gedrayt sinn fumm HAH—
5 selli es sich nunnah gneeya uf di dechahun bayda zu di sunn, da moon un di shtanna,selli es sich nunnah bikka un shveahra beim HAHun aw beim abgott, Milkom,
6 selli es vekk gedrayt sinn fumm HAH,un doon een nett frohwa adda sucha.
7 Seind shtill fannich Gott da HAH,fa da dawk fumm HAH is nayksht.Da HAH hott en opfah grisht,un hott selli es kaysa voahra rein gmacht.
8 Uf em dawk fumm HAH sei opfah,zayl ich di evvahshta shtrohfa,un aw em kaynich sei boova,un selli es fremdi glaydah veahra.
9 Uf sellah dawk zayl ich selli shtrohfaes ivvah di shvella dredda,selli es iahra meishtah sei haus fillamitt shtoft deich shtayla un doht macha.
10 Uf sellah dawk,” sawkt da HAH,“zayld en laudah grish kumma fumm Fish-Doah,heiles fumm nei dayl funn di shtatt,un en laudah grach funn di hivla.
11 Heilet, diah es am market-blatz rumm voonet,awl eiyah kawfah un fakawfah vadda doht gmacht,awl selli es handla in silvah vadda abkshnidda.
12 An selli zeit zayl ich Jerusalem aussucha mitt lichtahun selli shtrohfa es zufridda sinn mitt sich selvaht,un sawwa zu sich selvaht,‘Da HAH zayld nix goodes adda eviles du’.
13 Iahra shtoft vatt kshtohla,un iahra heisah nunnah grissa.Si zayla heisah bauwaavvah nett drinn voona;si zayla vei-goahra blansaavvah da vei nett drinka.
14 Da grohs dawk fumm HAH is nayksht;eah is nayksht un kumd kshvind.Heichet, da dawk fumm HAH zayld biddah sei,even da shteiksht mensh zayld naus greisha.
15 Sellah dawk zayld en dawk funn zann sei,en dawk funn dreebsawl un angsht,en dawk mitt druvvel un fadauves,en dawk mitt finshtahnis un dunkles,en dawk mitt shvatzi volka,
16 en dawk vann’s blohs-hann blohst un en greeks-grish naus gayt,geyyich di eigmavvahda shtett,un di tavvahs in di ekkah.
17 Ich mach di leit angsht havvaun si zayla rumm lawfa vi blindi mennah,veil si ksindicht henn geyyich da HAH.Iahra bloot vatt ausgleaht vi shtawb,un iahra flaysh vi grausamah drekk.
18 Iahra silvah un iahra goldkann si nett aus di kfoah haldaim dawk fumm HAH sei zann.In seim jealous feiyahzayld di gans veld fabrend sei,fa eah macht en bletzlich endfunn alli-ebbah es uf di eaht voond.”
