Zephania 2:1-15
2 Fasamlet eich, fasamlet eich,diah folk unni shohm,
2 eb selli zeit voah kumd,un diah vaddet fatt geblohsa vi shprau,eb em HAH sei gleedichah zann uf eich kumd,eb da dawk fumm HAH sei zann uf eich kumd.
3 Suchet fa da HAH, diah daymeedichi im land,diah es sei gebodda haldet.Suchet gerechtichkeit, suchet daymoot,fleicht vaddet diah fafaylduf da dawk fumm HAH sei zann.
Philishtia Vatt Gricht
4 Di shtatt Gaza vatt falossa,un di shtatt Askalon vatt faveesht.Middawks vadda di leit aus di shtatt Asdod gedrivvaun di shtatt Ekron vatt ufgvatzeld.
5 Vay zu selli es am say nohch voona,zu di Krethiddah leit!Em HAH sei vatt is geyyich eichOh Kanaan, es land funn di Philishtah.“Ich zayl dich umbringabiss nimmand may ivvahrich is.”
6 Es land am say nohch vatt vayt-feldah,en blatz fa shohf-heedah un shohf-penna.
7 Es zayld zu di ivvahricha fumm Haus funn Juda heahra;datt zayla si vayt finna.Ohvets zayla si sich anna layyain di heisah funn Askalon.Da HAH zayld acht gevva uf si,un zayld si viddah frei macha.
Moab Un Ammon Vadda Gricht
8 “Ich habb’s shpoddes keaht funn Moabun’s geleshtah funn di Ammoniddah,Dee es mei leit faniddaht hennun gedroit henn fa iahra land funn eena vekk nemma.
9 Fasell, so shuah es ich layb,”sawkt da Awlmechtich HAH, da Gott funn Israel,“zayld Moab vadda vi Sodomun di Ammoniddah vi Gomorra—en blatz funn veetz un sals-pits,en fadauvanah blatz fa’immah.Mei leit es ivvahrich sinn zayla si rawva,un zayla iahra land eahva.”
10 Dess is vass si greeya in blatz funn iahra hohchmoot,veil si em Awlmechticha HAH sei leitfashpott un faniddaht henn.
11 Da HAH zayld shreklich sei zu eenavann eah awl di gettah im land vekk butzt.Di heida ivvahrawlich zayla een ohbayda,alli-ebbah in sei ayya land.
Kush Vatt Gricht
12 “Diah Kushiddah zayletaw umkumma bei mei shvatt.”
Assyria Vatt Gricht
13 Eah zayld sei hand naus shtrekka geyyich di natt,un zayld Assyria umbringa.Eah fadaubt di shtatt funn Ninevehun see vatt en drukkani vildahnis.
14 Kee un shohf zayla sich anna layya datt,un aw alli sadda diahra.Di nacht-owls un anri fekkelzayla uf di shtatt shtay-poshta rooshta.Fekkel zayla in di fenshtahra singa,shtay-heifa zayla uf di shvella sei,un’s cedar-hols is abgedekt.
15 Dess is di fraylich shtattes aus di kfoah voah.See hott zu sich selvaht ksawt,“Ich binn ebbes, un’s is nimmand vi mich.”Vi fadauva is si vadda,en blatz fa vildi diahra!Alli-ebbah es fabei gayt, peift ivvah see,haybt sei hand uf un shpott.
