Prophecy 2. Nett Genunk fa Essa

“Leit zayla fahungahra.”​—MARKUS 13:8.

● En mann gayt zu di village funn Quaratadji Niger hoffa es eah ebbes greeya kann fa essa. Da mann sei cousins, breedah, un shveshtra sinn aw kumma funn anri areas funn di country fa ebbes finna fa essa. Avvah da mann is nau laynich. Favass? Da Sidi, da village chief sawkt favass: “Da mann kann nett [sei family] feedra, un kann nett shtenda si sayna so hungahrich sei.”

VASS FA PROOF HENN MA? Gans ivvah di veld is’s baut ay ebbah aus sivva leit es nett genunk grikt fa essa alli-dawk. Es is shlimmah in’s saut part funn Saharan Africa, vo ay ebbah aus drei leit am fahungahra sinn. Fa’s bessah fashtay, denk moll veyyich en family mitt en daett, en maemm, un en baybi. Vann’s yusht genunk ess-sach is fa zvay funn si veah zayld hungahrich gay? Da daett? Di maemm? Adda’s baybi? Dess is ebbes es so families diseiyda missa alli-dawk.

VASS DOON LEIT OFT SAWWA? Di eaht gebt genunk ess-sach fa alli-ebbah, un’s muss yusht bessah acht gevva sei druff.

IS SELL VOAH? Heit kenna farmers may ess-sach vaxa es selayva difoah un naus shikka zu anri bletz. Governments sedda able sei fa macha es nimmand uf di eaht hungahrich gayt. Avvah, even nohch feel yoahra boviahra, sinn si alsnoch nett able fa deah problem fixa.

VASS DAYTSHT DU SAWWA? Is Markus 13:8 am folfild vadda? Even mitt may technology, sinn’s alsnoch leit gans ivvah di veld es nett genunk henn fa essa?

Earthquakes un nett genunk havva fa essa lead oft zu anri sacha es veisa es ma in di letshti dawwa sinn.

[Blurb]

“Feel funn di kinnah es kshtauva sinn funn pneumonia, diarrhea un anri grankeda hedda survived vann si genunk katt hedda fa essa.”​—ANN M. VENEMAN, FORMER EXECUTIVE DIRECTOR OF THE UN CHILDREN’S FUND.

[Credit Line fa’s Piktah]

© Paul Lowe/​Panos Pictures