Prophecy 4. Kenn Leevi

“Leit . . . sinn unni leevi.”​—2 TIMOTHEUS 3:1-3

● Di Chris shaft fa en domestic violence group in North Wales es victims helft. See hott ksawt, “Ich meind noch funn en fraw es rei kumma is es so uf-kshlauwa voah es ich see nett even may gekend habb. Anri veibsleit sinn so abused emotionally, see vella dich nett even ohgukka.”

VASS FA PROOF HENN MA? In ay country in Africa, is’s baut ay fraw aus alli drei es sexually abused vadda es en kind. En survey voah gedu in selli saym country un si henn auskfunna es may es one third funn di mennah henn kfeeld es voah awreit fa iahra fraw veesht yoosa. Avvah, veibsleit sinn nett di aynsishti es veesht gyoost vadda. Fa’n example, in Canada sinn’s baut drei aus alli zeyya mennah es veesht gyoost vadda bei iahra fraw.

VASS DOON LEIT OFT SAWWA? ’S voah noch immah violence in families. Leit sinn yusht may concerned diveyya es si als gvest voahra.

IS SELL VOAH? Leit sinn may concerned veyyich violence in di family es si als gvest voahra. Avvah, hott sell gmacht es’s vennichah violence is in families? Nay, sell is nett vass kaebbend hott. Leit henn vennichah leevi es si als katt henn.

VASS DAYTSHT DU SAWWA? Is 2 Timotheus 3:1-3 am folfild vadda? Henn feel leit nett di leevi fa iahra family es si havva sedda?

Da fimft prophecy es miah am sayna sinn folfild vadda is veyyich di eaht, unsah haymet. Gukk moll vass di Bivvel sawkt veyyich dess.

[Blurb]

“Violence in di family is ayns funn di crimes es baut goah nett report vatt. Uf en average, en fraw vatt baut 35 moll veesht gyoost bei iahra mann eb see di police kawld.”​—A SPOKESWOMAN FOR WALES DOMESTIC ABUSE HELPLINE.