Prophecy 5. Di Eaht am Fadauva

Gott zayld “selli doht macha es di eaht fadauva.”​—OFFENBARUNG 11:18.

● Da Pirri dutt palm-wine gedra in Kpor, Nigeria. Eah kann nimmi dee eahvet du koss funn en grohsah oil spill an’s end funn da Niger Revvah. Eah hott ksawt, “Es macht di fish doht, un is nett goot fa em sei haut, un dutt shawda zu di revvahra. Ich habb kenn vayk may fa en living macha.”

VASS FA PROOF HENN MA? Samm experts sawwa, 6.5 million tons funn trash gayt in di oceans alli yoah. Baut dihelft funn sell trash is plastic es in di oceans rumm floht fa hunnahts funn yoahra biss’s fagayt. Mensha sinn nett yusht am di eaht fadauva deich pollution, avvah si sinn aw di natural sacha funn di eaht shteik am vekk nemma. Research veist es es di eaht en yoah un fimf moonet nemd fa di amount macha es mensha uf yoosa inna yoah. Di Australian zeiding, Sydney Morning Herald, sawkt: “Vann di population ohhald vaxa un ma halda oh di amount sacha yoosa es ma doon nau, braucha miah noch en eaht biss 2035.”

VASS DOON LEIT OFT SAWWA? Mensha sinn shmeaht genunk fa vissa vi fa dee problems fixa un di eaht sayva.

IS SELL VOAH? Es sinn feel leit un groups funn leit es hatt shaffa fa boviahra di eaht bessah macha. Avvah’s pollution uf di eaht hald oh shlimmah un shlimmah vadda.

VASS DAYTSHT DU SAWWA? Is’s nohtvendich fa Gott fa nei shtebba un di eaht halda funn fadauva vadda, yusht vi eah fashprocha hott?

Along mitt di fimf prophecies es miah yusht kshvetzt henn diveyya, di Bivvel sawkt aw veyyich goodi sacha es haebna zayla in di letshti dawwa. Gukk moll an ay example funn da sext prophecy.

[Blurb]

“Ich shpiah es vann ich als in paradise gvoond hett, avvah nau is’s vi en grohsah shtinkichah landfill.”​—ERIN TAMBER, A RESIDENT OF THE GULF COAST, UNITED STATES, CONCERNING THE EFFECTS OF THE 2010 OIL SPILL IN THE GULF OF MEXICO.

[Box]

Is’s Gott Sei Shuld?

Di Bivvel hott ksawt es dee shlechti sacha haebna zayla in unsah dawk, avvah sell maynd nett es’s Gott sei shuld is. Eah hott yusht shuah gmacht es miah vissa veyyich dee sacha eb si haebna.

[Credit Line fa’s Piktah]

U.S. Coast Guard photo