SONG 99
Millions Funn Breedah un Shveshtra
-
1. Millions funn breedah un shveshtra
witnesa alli dawk,
si sinn am faythfel bleiva,
doon vass Jehova sawkt.
Millions doon nau Gott deena,
so’n grohsi drubb funn leit,
funn alli lendah un folk un shprohch
sinn een am praysa heit.
-
2. Millions funn breedah un shveshtra
gayn breddicha zu leit,
bei goodi sacha sherra
henn si en hofning heit.
Miah vella nett ufgevva,
alsmoll is’s hatt fa du.
Avvah da Jesus refreshed uns awl,
es gebt uns peace un roo.
-
3. Millions funn breedah un shveshtra,
Jehova gleicht awl uns.
Sayf in di congregation
is vo ma bleiva doon.
Millions doon nannah helfa
’s Reich vissa macha nau.
Miah kenna shaffa mitt unsah Gott,
sei villa du grawt nau.
(Gukket aw Jesoiya 52:7; Matthäus 11:29; Offenbarung 7:15.)