Di organization funn Jehova Sei Witnesses respect alli-ebbah sei recht fa privacy. Fa information veyyich di organization iahra worldwide Data Protection Policy, drikk do.

Da Data Protection Policy sawkt vi di organization funn Jehova Sei Witnesses deeld mitt personal data. Es sinn aw specific guidelines es appleiya un gyoost sinn uf deah website es shvetzt diveyya do unna droh.

Deah website is gaykend bei Watchtower Bible and Tract Society of New York, Inc. (“Watchtower”), en New York not-for-profit corporation es di activities funn Jehova Sei Witnesses un Bible education support. Samm funn di servers es da website hohsta doon sinn in di United States funn America.

Personal data es du submitsht uf deah website is yusht gyoost fa vass ksawt is an di zeit es du’s submit hosht.

Miah gevva dei personal data nett zu ennich ebbah shunsht unni’s nohtvendich is fa so du fa dich’s service gevva es du kfrohkt hosht difoah, adda miah henn en full disclosure gmacht zu dich, adda miah henn en good faith belief es disclosure funn so information is reasonably nohtvendich fa ennichi laws adda regulations es appleiya saetisfeiya adda in response zu en request funn law enforcement authorities adda fa fraud, security, adda technical issues detecta un prevenda. Bei deah website yoosa, gebsht du consent zu uns es miah dei personal data disklohsa zu third parties fa yusht dee reesins. Ennich personal data es du submitsht is selayva nett fakawft, getrayt, adda grent unnich ennichi circumstances.

Third-Party Vendors. Alsamohl hott deah website links zu da website funn en third-party vendor es miah yoosa fa services du fa uns (fa example, fa online forms ausfilla). Du zayld’s vissa vann du uf en third-party vendor sei website bisht, koss es gukt diffahnt un dei browser sei address bar zayld tshayntsha. Vann miah third-party vendors selekta, un alli-gebott noch sell, doon miah iahra privacy un data protection policies inshpekta fa shuah macha es si di saymi standards yoosa es miah doon fa unsah aykni policies. Vann du questions hosht veyyich en third-party vendor sei policies, kansht du si ufgukka uf iahra website.

Miah nemma’s security funn dei personal data oahrich serious. Miah protekta dei personal data in transit bei encryption yoosa so vi Transport Layer Security (TLS). Miah yoosa computer systems mitt limited access in facilities es physical, electronic, un procedural security measures yoosa fa’s confidentiality un security funn information gevva zu uns, protekta.

Di e-mail address es du gevva hosht vo du en account uf ksetzt hosht uf deah website zayld gyoost sei fa hohld greeya funn dich regarding dei account. Fa’n example, vann du dei yoosah nohma adda password fagesht un frohksht fa hilf fa nei logga, dann zayld hilf kshikt vadda deich en message zu da e-mail address es in dei yoosah profile gedu voah.

Vann du geld gebsht frohwa miah fa dei nohma un contact information. Fa geld greeya bei credit card, yoosa miah accredited online payment processing services mitt world-class security un data privacy policies. Miah shtoahra nett un henn aw kenn access zu dei credit card information, bank account numbers, adda annah account data es kshikt is zu selli processing services. Deah vo’s geld grikt hald records funn di financial transactions fa at leest zeyya yoah. Dess sinn records so vi da dawk es geld gevva voah, vi feel geld es gevva voah, un da vayk es geld gevva voah. Dess helft uns acht gevva uf unsah accounting standards un aw ennichi questions es du havva mechtsht deich selli zeit. Miah yoosa dess selayva nett fa dich frohwa fa may geld gevva.

Du mechtsht personal data submidda (so vi dei name, postal address, un telephone number) fa anri reesins besides geld gevva adda en account ufsetza (so vi frohwa fa’n free Bivvel Shtoddi). Miah kolekta, shtoahra, un yoosa dess information yusht fa di reesins es du’s submit hosht un miah halda’s nett lengah es’s nohtvendich is.

Miah kolekta sirtin information bei automated means vann du uf unsah website bisht. Miah kolekta dess information deich “cookies,” “web beacons,” un technologies vi sell. Bei da term cookie yoosa in deah privacy policy maynd sell aw technologies vi sell so vi “local storage.”

Cookies. So vi’s mensht websites, vann du uf deah website bisht mecht bisli data es en “cookie” hayst, kshtoaht vadda uf dei mobile phone, tablet, adda computer sei hard drive. Es hott diffahndi sadda cookies fa diffahndi sacha du un dich en bessahrah experience gevva uf deah website. Miah mechta cookies yoosa fa uns veisa eb du shund difoah uf da website voahsht adda fa settings meinda es du ksetzt hosht vann du da website gyoost hosht. Fa example, di shprohch es duʼs leebsht hosht is kshtoaht inna cookie soʼs selli shprohch ʼseahsht ufkumdʼs neksht moll es du zrikk zu da site kumsht. Miah yoosa nett cookies fa advertising.

Di satt cookies es miah yoosa uf deah website sinn in ayns funn dee drei categories:

1. Strictly Necessary Cookies​—Dee cookies sinn nohtvendich fa samm features funn da website yoosa so vi nei logga adda forms submidda uf da website. Unni dee cookies kenna samm services es du fleicht vitt nett gyoost sei so vi geld gevva uf da website. Dee inclooda cookies es uns lossa en service provida es du kfrohkt hosht difoah deich da browser. Dee cookies samla kenn information veyyich dich es gyoost sei kend fa marketing adda meinda vo shunsht es du voahsht uf da Internet.

2. Functionality Cookies​—Dee sinn gyoost fa da website lossa di choices es du gmacht hosht meinda (so vi dei yoosah nohma, shprohch, adda di area vo du voonsht) un gebt may features fa en bessahrah web experience.

3. Analytical Cookies​—Dee sinn gyoost fa information kolekta veyyich vi leit da website yoosa, so vi sayna vi feel leit es uf da website sinn adda vi lang es leit uf da website bleiva. Dess information is yusht gyoost fa helfa da website bessah shaffa macha.

Samm cookies sinn first-party cookies es ksetzt sinn bei unsah website. Anri sinn third-party cookies es ksetzt sinn bei en diffahndah domain. Miah yoosa yusht first-party cookies, mays fa di third-party cookies es gyoost sinn mitt Google reCAPTCHA. Google reCAPTCHA is gyoost fa da diffahns vissa zvishich mensha yoosahs un computers fa automated spam prevenda. Plees gukk Google iahra privacy policy uf https://www.google.com/intl/en/policies/privacy/.

Web Beacons. Paytshes funn unsah website mechta glenni electronic files havva es web beacons kaysa sinn un lossa uns activity rekorda, so vi vann uf en sirtin paytsh gaysht. Web beacons sinn gyoost fa traekk halda vi da website gyoost is un vi alles am shaffa is.

Yoos funn IP addresses. En IP address is en nambah code fa dei computer uf di internet. Miah yoosa dei IP address un da browser fa helfa patterns sayna un problems ausfikkahra uf deah website un uns helfa bessah service gevva zu dich.

Dei Choice. ‘S mensht browsers lossa dich cookies ab drayya adda en warning greeya eb en cookie kshtoaht is uf dei device. Gukk in dei browser instructions fa lanna vi fa dess du. Avvah unni cookies kansht nett awl di features funn da website yoosa.

Scripting is gyoost fa sacha bessah shaffa macha uf da site. Bei scripting technology yoosa lost sell da site kshvindah information veisa zu dich. Scripting is selayva nett gyoost bei da site fa software uf dei computer du adda fa unauthorized information kollekta funn dich.

Active scripting adda JavaScript muss druff gedrayt sei in da browser fa macha es samm parts funn da site recht shaffa doon. ‘S mensht browsers lossa dess druff adda ab gedrayt sei fa specific sites. Gukk in dei browser help documentation fa lanna vi fa scripting druff drayya di sites es du vitt.

Fa deah website yoosa un even fa ennichi publications, videos, adda audio programs daunlohda is alles free. Du musht nett en account ufsetza, en dohnayshin macha, adda ennich ebbes shunsht du es miah dei personal data braucha, fa benifidda funn da website. Avvah vann du deseiytsht fa en account ufsetza, en dohnayshin macha, frohksht fa’n free Bivvel shtoddi, adda ennich ebbes shunsht dusht es dei personal data gebsht, dann dusht du agreeya mitt deah Privacy un Cookies Policy; es storage funn data uf servers in di United States of America; es collection, processing, transfer, un storage funn dei personal data bei Watchtower un organizations es Jehova Sei Witnesses supporda in di countries es nohtvendich is fa du vass du kfrohkt hosht difoah. Da data collector is nett immah’s saym koss funn vass du dusht uf da website. Fa example, vann du en dohnayshin machtsht zu en legal entity inna sirtin country, no vatt dei nohma un contact information gevva zu’s legal entity es du ksawt hosht deich da dohnayshin process. Noch en example, vann du frohksht fa en Bivvel shtoddi, no vatt dei nohma un contact information gevva zu di branch office funn Jehova Sei Witnesses fa acht gevva druff.

Vann du nett’s personal data gebsht es gebraucht is fa en account ufsetza, en dohnayshin macha, adda ennich ebbes shunsht funn da website es personal data braucht, dann kenna miah nett du vass kfrohkt voah difoah.

Vann’s nohtvendich vatt fa unsah Privacy un Cookies Policy tshaynsha, doon miah selli tshaynshes uf dess paytsh so es du immah vaysht vass fa information es miah kolekta un vi miah’s yoosa.

So veit es’s required is bei law, du mechtsht noch may rights havva vann’s kumd zu dei personal data. Dess kend dei right inclooda fa’s personal data aeksessa, korekta adda dileeda es du uns gevva hosht deich deah website. Vann dess applieyt in dei country, kansht du contact information finna do. Vann du frohwa vitt veyyich dei personal data inna dohnayshin, please contact deah vo da dohnayshin grikt hott un incloot dei dohnayshin receipt.