Brukt Gott de Ewoluzion toom aule Sorten Läwes moaken?
Waut de Schreft doatoo sajcht
De Schreft sajcht gaunz dietlich, daut Gott de Menschen muak un uk de veschiedne “Sorten” Tieren un Plaunten (1. Mose 1:12, 21, 25, 27; Openboarunk 4:11). a Dee sajcht, daut aule Menschen von Adam un Eva aufstaumen, onse ieeschte Elren (1. Mose 3:20; 4:1). No de Schreft no es daut nich soo, aus eenje jleewen, daut Gott de Ewoluzion brukt toom veschiedne Sorten Läwes verendach brinjen. Forscha haben rutjefungen, daut de veschiedne Sorten Läwes sikj een bät veendren, un jäajen daut rät de Schreft nich.
Haft Gott de Ewoluzion jebrukt?
Soone Menschen, waut jleewen, daut Gott de Ewoluzion brukt toom aule Sorten Läwes moaken, haben veschiedne Iedeeen doaräwa. Eenje Menschen jleewen, daut Gott daut en de Natua soo enjerecht haft, daut bloos dee Plaunten un Tieren aum läwen bliewen, waut sikj daut dolste aunpaussen.
Aundre jleewen soo aus dit:
Aulet Läwen staumt von eent un dautselwje Läwen auf, von lang lang trigj.
Eene Sort Läwen kaun to eene gaunz aundre Sort Läwen woaren. Biejlikj sajen dee, daut de Menschen von de Open komen.
Gott kontrolt daut irjentwoo, daut de Sorten Läwes sikj veendren.
Stemt de Ewoluzion met de Schreft?
De Lia von de Ewoluzion jeft auntovestonen, daut daut nich krakjt stemt, waut de Schreft en 1. Mose äwa de Schepfunk sajcht. Oba no Jesus no stemt daut, waut et en 1. Mose sajcht (1. Mose 1:26-27; 2:18-24; Matäus 19:4-6). De Schreft sajcht, daut Jesus met Gott toop em Himmel läwd, ea hee no de Ieed kjeem. Un hee holp met, “aules” to moaken (Johanes 1:3, PB). Aulsoo de Iedee, daut Gott de Ewoluzion brukt toom de veschiedne Sorten Läwes moaken, stemt nich met daut, waut de Schreft lieet.
Es daut Ewoluzion, wan Plaunten ooda Tieren sikj aun eene niee Omjäajent aunpaussen?
De Schreft sajcht nich, woo sea eene Sort Läwen sikj veendren kaun. Jewesse Sorten Tieren un Plaunten, waut Gott jemoakt haft, veendren sikj, wan dee sikj vemieren ooda wan dee sikj aun niee Jäajenden aunpaussen. Un doajäajen sajcht de Schreft nuscht. Wan eenje daut uk Ewoluzion nanen, kjemt doa rajcht jesajcht oba nich eene niee Sort Läwen verendach.
a Foaken, wan de Forscha sajen, daut derch de Ewoluzion eene fresche Sort Läwen tostaund kjeem, es daut oba nich eene fresche Sort Läwen, daut haft sikj bloos een bät veendat un jehieet noch to deeselwje Famielje, ooda “Sort” Läwen, soo aus 1. Mose daut sajcht.
Veleicht jleichst du uk dit
WICHTJE BIBLISCHE LIEREN
Wort de Ieed un de Stiernhimmel jemoakt?
De Berecht enne Schreft äwa de Schepfunk woat foaken orrajcht vestonen ooda jesajcht daut et bloos utjedocht es. Kaun eena daut verheipts jleewen, waut de Schreft doavon sajcht?
WAUT FOAKEN JEFROACHT WOAT
Jleewen Jehova siene Zeijen, daut Gott de Welt en sas Doag von 24 Stund jemoakt haft?
Hast du jewist, daut de Bibel nich sajcht, daut dise Doag bloos 24 Stund hauden?
MEA ÄWA ONS
West du met ons räden?
Räd äwa eene biblische Froag ooda lia mea äwa Jehova siene Zeijen.