Wia Jesus bloos een gooda Mensch?
Waut de Schreft doatoo sajcht
Jesus wia nich bloos een gooda Mensch, oba hee wia noch väl mea. Hee haft mea aun de Menschen jedonen, aus irjenteen aundra Mensch, waut jeemols jeläft haft. Hia es, waut twee bekaunde Jeschichtsforscha un Schriewa äwa Jesus jesajcht haben.
H. G. Wells, een Jeschichtsforscha von Enjlaunt, sajcht: “Jesus von Nazaret . . . es de wichtichsta Mensch, waut daut jeemols jeef.”
Kenneth Scott Latourette es een Jeschichtsforscha un Schriewa von de Stäts. Hee sajcht: “Von aule Menschen, waut jeemols jeläft haben, haft Jesus daut mieeschte aun de Menschheit jedonen, un daut deit noch emma toonämen.”
De Schreft wiest, wuarom Jesus väl mea aun de Menschen deed, aus irjenteen aundra gooda Mensch, waut jeemols jeläft haft. Aus Jesus siene Apostel fruach, waut see jleewden, wäa hee wia, jeef eena von dee de rajchte Auntwuat un säd: “Du best de Christus, dän läwendjen Gott sien Sän!” (Matäus 16:16, PB).
Veleicht jleichst du uk dit
WAUT SAJCHT DE SCHREFT ÄWA ...?
Bewiesen de Profezeiungen ut de Schreft, daut Jesus de Messias wia?
Wudden sikj de Profezeiungen von dän Messias noch haben kunt aun mea Menschen erfellen?
WICHTJE BIBLISCHE LIEREN
Wuarom must Jesus stoawen?
Veleicht hast du mol jehieet, daut hee fa onse Sinden storf. Oba woo kaun eenen Mensch sien Läwen millionende Menschen togood komen?
WAUT SAJCHT DE SCHREFT ÄWA ...?
Woo kaun Jesus sien Opfa väle looskjeepen?
Woo kjennen derch Jesus sien Opfa onse Sinden vejäft woaren?
MEA ÄWA ONS
West du met ons räden?
Räd äwa eene biblische Froag ooda lia mea äwa Jehova siene Zeijen.