“Du, Betlehem, mank de Efratita, . . . von die woat dee komen, dee äwa Israel de Leida sennen woat.”

Micha 5:1

“Aus Jesus en Kjennich Herodes siene Tiet, en Betlehem en Judäa jebuaren wia, seet, dan kjeemen Stiernforscha utem Oosten no Jerusalem”.

Matäus 2:1

“See deelen sikj miene Kjleeda en, un lossen mienen Äwarock ut.”

Psalm 22:19

“Aus de Soldoten Jesus jekjriezicht hauden, neemen see Jesus siene Kjleeda un deelden dee en vea Deelen . . . De Äwarock oba wia een gaunz en eent jewownet Stekj, onen Not. Dan säden de Soldoten eena toom aundren: Well wie dän nich tweirieten, oba leewa Lessa trakjen, to seenen, wäa dän haben saul.”

Johanes 19:23-24

“Hee bewoat am un sitt doano daut am kjeene Knoakes bräakjen.”

Psalm 34:21

“Aus see no Jesus kjeemen un sagen, daut hee aul jestorwen wia, bruaken see am nich de Been.”

Johanes 19:33

“See tolden mie 30 Selwastekja.”

Sacharja 11:12-13

“Dan jinkj eena von dee 12, Judas Iskariot, nom Huagenpriesta un säd: Waut wudd jie mie jäwen, wan ekj am junt veroden doo? See tolden am 30 Selwastekja.”

Matäus 26:14-15; 27:5

“An woat daut schod sennen, äwa däm dän see jestoaken haben”.

Sacharja 12:10

“Eena von de Soldoten stuak am met däm Spies en de Sied, un doa rand Bloot un Wota rut.”

Johanes 19:34