POAT #2
Von de groote Äwaschwamunk bat de Israeliten Ägipten veleeten
Bloos acht Menschen hauden de groote Äwaschwamunk äwaläft, oba met de Tiet wieren daut wada väle dusent. 352 Joa no de Äwaschwamunk wort Abraham jebuaren. Wie woaren seenen, woo Gott sien Vespräakjen hilt un Abraham eenen Sän jeef, dee Isaak heet. Lota haud Isaak twee Junges, un von dee beid wäld Gott Jakob ut.
Jakob haud eene groote Famielje. Hee haud twalf Säns un uk waut Dajchta. Tieen von siene Junges wieren spietich äwa äaren jinjren Brooda Josef un vekoften dän aus eenen Sklow no Ägipten. Lota wort Josef een Huachbeaumta en Ägipten. Aus daut eemol eene groote Hungaschnoot jeef, stald Josef siene Breeda oppe Proow. Hee wull seenen, aus dee sikj aul jeendat hauden. Schlieslich trock Jakob met siene Famielje, de Israeliten, no Ägipten. Dit wia 290 Joa no Abraham siene Jeburt.
De Israeliten läwden 215 Joa en Ägipten. Aus Josef jestorwen wia, worden de Israeliten en Ägipten Sklowen. Lota wort Moses jebuaren. Derch am deed Gott de Israeliten ut Ägipten friemoaken. Met aules toop sent daut 857 Joa, wua sikj daut tweede Poat von haundelt.
EN DIT POAT
JESCHICHT #11
De ieeschta Räajenboagen
Wan du daut näakjste Mol eenen Räajenboagen sitst, aun waut saust du dan denkjen?
JESCHICHT #12
De Menschen buen eenen huagen Torm
Gott jefoll daut nich un hee deed waut, daut dee nich kunnen wiedabuen. Daut haft uk met ons vondoag to doonen.
JESCHICHT #13
Gott sien Frint Abraham
Wuarom veleet Abraham siene Staut un läwd en Zelten, wan hee daut doa doch soo goot haud?
JESCHICHT #14
Gott stalt Abraham oppe Proow
Wuarom wull Gott haben, Abraham sull sienen Sän Isaak opfren?
JESCHICHT #16
Eene goode Fru fa Isaak
Wuahäa wia Rebecka soone feine Fru? Wäajen äa schmock sach ooda wäajen sestwaut?
JESCHICHT #17
Een sea veschiednet Poakje
De Voda Isaak jleicht Esau dolla un de Mame Rebecka jleicht Jakob dolla.
JESCHICHT #19
Jakob haft eene groote Famielje
Sent de 12 Stam von Israel no Jakob siene 12 Säns jenant?
JESCHICHT #22
Josef em Jefenkjnis
Dee stopten am nich en, wiels hee waut orrajchtet deed, oba wiels hee daut rajchte jedonen haud.
JESCHICHT #24
Josef stalt siene Breeda oppe Proow
Woo weet hee, aus dee sikj werkjlich jeendat haben von dan, aus dee am hauden aus Sklow vekoft?
JESCHICHT #26
Hiob blift Gott tru
Hiob velist aules, waut hee haft, uk siene Jesuntheit un aul siene Kjinja. Es daut eene Strof von Gott?
JESCHICHT #27
Een beesa Kjennich en Ägipten
Wuarom sajcht dee, daut aule hebräische Junkjes, waut jebuaren woaren, sellen dootjemoakt?
JESCHICHT #28
De kjliena Moses woat jerat
Moses siene Mame finjt eenen Wajch, daut äa Kjint nich dootjemoakt woat.
JESCHICHT #29
Moses mott wajchranen
Aus Moses 40 Joa oolt wia, docht hee, daut hee de Israeliten raden kunn. Oba daut wia nich soo.
JESCHICHT #30
Daut brennende Bosch
Gott deit miere Wunda, om Moses to wiesen, daut hee de Israeliten nu ut Ägipten rutbrinjen saul.
JESCHICHT #31
Moses un Aaron gonen no dän Farao
Wuarom horcht Farao nich no Moses un lat de Israeliten nich gonen?
JESCHICHT #32
De tieen Ploagen
Gott leet 10 Ploagen äwa Ägipten komen, wiels Farao, de Kjennich von Ägipten, de Israeliten nich wull gonen loten.
JESCHICHT #33
Derch daut Roode Mäa
Derch Gott siene Krauft deelt Moses daut Roode Mäa uteneen un de Israeliten gonen doa opp drieeje Ieed derch.
