Biespels ut de Schreft:

• Ps 78:40-41; 106:36-46 – De Israeliten hauden sea foaken jäajen Jehowa jesindicht un am doaderch truarich jemoakt, oba hee vejeef äant emma wada.

• Luk 15:11-32 – Jesus räd en een Jlikjnis von eenen metliedenden Voda un woo dee sienen Sän vejeef, waut Schlajchtet deed, oba dän daut lota leet wia. Doamet wees Jesus, woo sea Jehowa vejeft.

Biespels ut de Schreft:

• Heb 9:22-28 – De Apostel Paulus läd ut, daut Jehowa ons de Sinden vejäwen kaun, wiels Jesus sien Läwen fa ons jeef.

• Opb 7:9-10, 14-15 – De Apostel Johanes sach en eene Wision “eene Häad, dee kjeena talen kunn” un daut Jehowa dee äare Sinden vejäft haud, wiels dee Gloowen aun Jesus sien Opfa hauden.

Biespels ut de Schreft:

• Hi 42:7-10 – Jehowa velangd, daut Hiob fa de dree Mana, waut jäajen am jerät hauden, bäden sull. Doahinja muak Jehowa am jesunt un säajend am.

• Mat 18:21-35 – Jesus muak derch een Jlikjnis sea dietlich, woo wichtich daut es, daut wie aundre vejäwen, wan wie wellen, daut Jehowa ons saul vejäwen.

Biespels ut de Schreft:

• Ps 32:1-5; 51:3-4, 18-19 – Wäajen de Kjennich David soone groote Sinden begonen haud, wia hee gaunz doljeschloagen un truarich, un am wia daut opp iernst leet.

• Jak 5:14-16 – Jakobus säd, daut wie daut de Eltestasch sajen sellen, wan wie eene schwoare Sind begonen haben.

Biespels ut de Schreft:

• 1Kj 21:27-29; 2Ch 18:18-22, 33-34; 19:1-2 – De Kjennich Ahab wia doljeschloagen, aus hee hieed, daut Jehowa am bestrofen wudd. Oba siene Sind wia am nich opp iernst leet un doawäajen vejeef Jehowa am nich.

•  2Ch 33:1-16 – De Kjennich Manasse wia sea schlajcht, oba Jehowa vejeef am, aus dee een Leetsennen haud. Manasse bewees daut, daut hee sikj werkjlich jeendat haud, wiels hee fa de woare Aunbädunk strieden deed un jäajen dän Aufjettadeenst schauft.

Een Biespel ut de Schreft:

• 2Sa 12:13; 24:1; 1Kj 9:4-5 – David haud miere schwoare Sinden begonen, oba Jehowa vejeef am, wiels dee een Leetsennen haud. Lota säd hee von David, daut dee opprechtich un tru wia.

Biespels ut de Schreft:

• Mat 26:36, 40-41 – Jesus siene Jinja, waut hee daut dolste noaun wia, schleepen krakjt dan en, aus am daut daut Mieeschte aun äare Help fäld. Jesus kunn vestonen, daut dee am unjastetten wullen, oba sea meed wieren.

• Mat 26:69-75; Luk 24:33-34; Apj 2:37-41 – Petrus vestreet daut dree Mol, daut hee Jesus kjand, oba dan wia Petrus daut leet un Jesus vejeef am. Nodäm daut Jesus oppjestonen wia, leet hee sikj von Petrus seenen un jeef am besondre Oppgowen en de Vesaumlunk.

Biespels ut de Schreft:

• Mat 23:29-33 – Jesus woarnd de Schreftjelieede un Farisäa, daut see aus Grupp daut Jerecht von de Gehenna kjrieen wudden, aulsoo eewje Venichtunk.

• Joh 17:12; Mar 14:21 – Jesus säd von Judas Iskariot, hee wia “dee, waut venicht woat” un daut et wia bäta jewast, wan dee niemols wia jebuaren worden.