3. POAT
Woo wia daut Läwen em Goaden Eden?
Jehova jeef Adam un Eva välet toom Scheengonen. 1. Mose 1:28
Jehova muak Eva, daut ieeschte Frumensch, un jeef Adam dee to Fru (1. Mose 2:21-22).
Jehova muak Adam un Eva met eenen volkomnen Kjarpa un een volkomnet Vestaunt. Dee wieren onen Fäla.
Dee wonden en een Paradies. Daut wia de wundascheena Goaden Eden. Daut jeef doa eenen Riefa, uk väle Fruchtbeem un Tieren.
Jehova räd met Adam un Eva un lieed dee. Wan dee no Gott jehorcht hauden, wudden dee haben kunt fa emma oppe Ieed em Paradies läwen.
Gott säd daut auf, von eenen jewessen Boom to äten. 1. Mose 2:16-17
Jehova wees Adam un Eva eenen Boom en dän Goaden un säd, wan see von dän eeten, wudden see stoawen.
Een Enjel stald sikj jäajen Gott. Daut wia de Soton, de beesa Fient.
De Soton wull daut nich, daut Adam un Eva Jehova jehorchen deeden. Doawäajen räd dee derch eene Schlang un säd to Eva, see wudd nich stoawen, wan see von de Frucht eet, see wudd soogoa soo sennen aus Gott. Oba daut wia plaut väajeloagen (1. Mose 3:1-5).
Veleicht jleichst du uk dit
WICHTJE BIBLISCHE LIEREN
Wuarom haft Gott de Ieed jemoakt?
Opp dän Ieedbaul es väl schmocket to beoobachten. Dee es krakjt wiet auf jenuach von de Sonn, dee dreit krakjt bosich jenuach un steit opp de rajchte Städ. Wuarom haft Gott soo väl jedonen, daut de Ieed soo schmock sach?
DE BIBEL: OM WAUT JEIT DAUT DOA BENNEN?
Een Paradies fa de Menschen
Waut sajcht de Bibel, woo Gott de Menschen jemoakt haft? Waut fa Jebooten jeef Gott de ieeschte Menschen?
