Denkj äwa diene Toohiera no. Moak dien Hoat doaderch reed, daut du aun de Schwierichkjeiten denkjst, waut dee haben. Stal die väa, woo dee sikj feelen.

Wäl diene Wieed goot ut. Proow diene Toohiera opptofreschen, to treesten un to stoakjen. Bruck nich soone Wieed, wua dee sikj onneedich aun steeten kunnen. Räd uk nich schlajcht äwa soone, waut nich aun Jehova jleewen, ooda äwa daut, waut dee bie sikj fa rajcht talen.

Wies, daut du om de Toohiera todoonen best. Derch eene leeftolje Stemm un doaderch, woo du diene Henj bewäachst, kaust du wiesen, daut du om dee bekjemmat best. Wies daut uk derch een frinteljet Jesecht.