Nemm die waut väa. Finj rut, aus du de Toohiera derch diene Räd saust waut weeten loten, äwa waut secha moaken ooda dee tooroden, waut to doonen, un moak diene Räd dan doano reed. Moak secha, daut de Hauptiedeeen die halpen, daut to volbrinjen, waut du die väajenomen hast.

Moak dietlich, waut daut Teema es. Wan du diene Räd helst, dan nemm de wichtichste Wieed von daut Teema bieaun mank ooda bruck aundre Wieed, waut dautselwje bedieden.

Brinj de Hauptiedeeen kloa un eefach väa. Bruck bloos soone Hauptiedeeen, waut met daut Teema to doonen haben, daut du aundre daut en dee Tiet, waut du hast, fein lieren kaust. Räd nich äwa too väl Hauptiedeeen. Moak jieda Hauptiedee kloa. Ea du met daut näakjste aunfangst, bliew een kjlien bät stell un leid daut jlei äwa von eent no daut aundre.