Moak die fein reed. Studia daut, waut du väabrinjen west, bat du ieescht krakjt vesteist, woo daut aula tooppaust un woo de Bibel daut unjastett. Proow, de wichtichste Iedeeen met een poa eefache Wieed to sajen. Denkj väl doaräwa no, woo diene Toohiera daut halpen woat. Bäd om dän heiljen Jeist.

Bruck Wieed, waut doa wiesen, daut du die secha best. Saj daut en diene ieejne Wieed, enne Städ dee bloos wua rutnämen. Wäl die soone Wieed, daut et to seenen es, daut du die secha best äwa daut, waut du sajchst.

Wies, daut du daut iernst meenst un daut et von Hoaten kjemt. Räd lud jenuach. Kjikj no de Toohiera, wan daut fa dee sest nich een Trubbel es.