Bruck soont, wua opp to veloten es. Stett daut, waut du sajchst, opp Gott sien Wuat un wan mäajlich, läs daut von de Bibel väa. Wan du en diene Räd äwa waut von de Wissenschoft, de Norechten, eene Erfoarunk ooda waut aundret rätst, dan sieekj die daut no, aus doa werkjlich opp to veloten es un aus daut nich waut oolet es.

Bruck daut, waut du die nosieekjst, rajcht. Laj Bibelvarzh soo ut, daut et met daut tooppaust, waut de Varzh doaver un doahinja sajen, met de Lia von de gaunze Schreft un met de Bieekja, waut de “trua, weisa Kjnajcht” rutjejäft haft (Mat. 24:45). Bruck uk aundret, waut du fa diene Räd utjesocht hast, rajcht un veenda nich de Iedee ooda saj nich waut aundret, aus de Schriewa doa meent.

Wies dän Grunt. Wan du eenen Bibelvarsch ooda waut von aundatwäajen väajeläst hast, dan stal leeftolje Froagen ooda bruck een Jlikjnis, daut de Toohiera selfst opp de Iedee komen, waut du sajen west.