16. KAPITEL
Waut deed Jesus, aus hee oppe Ieed wia?
Een deel Menschen, wan dee aun Jesus denkjen, denkjen dee aun een Bäbe ooda aun eenen weisen Profeet ooda aun eenen Maun, waut jroz stoaft. Oba kjenn wie mea von am lieren, wan wie ons sien Läwen oppe Ieed unjastonen? En dit Kapitel woa wie waut von de wichtichste Sachen derchgonen, waut Jesus deed un woo ons daut kaun halpen.
1. Waut wia Jesus siene wichtichste Oabeit?
Jesus siene wichtichste Oabeit wia, “daut Evangelium von Gott sien Rikj . . . to prädjen” (läs Lukas 4:43). Hee muak de goode Norecht bekaunt, daut Gott een Kjennichrikj, ooda eene Rejierunk, oppstalen wudd, waut de Menschen äare Trubbels aula wudd fiksen. a Fa dreeunhaulf Joa strenjd Jesus sikj sea aun, aundre dise goode Norecht to brinjen (Matäus 9:35).
2. To waut deed Jesus Wunda?
De Schreft sajcht, “[Jesus] wia een Maun, derch dän Gott . . . Wundawoakjen un Wundatieekjens deed” (Aposteljeschicht 2:22). Met Gott siene Krauft kunn Jesus daut Wada kontrollen, dusende to äten jäwen, Kranke heelen un mau rajcht Doodes oppwakjen (Matäus 8:23-27; 14:15-21; Markus 6:56; Lukas 7:11-17). Jesus siene Wunda weesen gaunz kloa, daut Gott am jeschekjt haud. Aun dee es uk to seenen, daut Jehova de Krauft haft, onse Trubbels aula to fiksen.
3. Waut lia wie noch von Jesus sien Läwen?
Jesus wia Jehova emma jehuarsom (läs Johanes 8:29). Mau rajcht wan Jesus uk vefolcht wort, deed hee aules krakjt soo aus sien Voda daut haben wull, gaunz batem Doot. Hee bewees daut, daut eena Gott uk en schwoare Tieden deenen kunn. Soo haft hee ons “een Väabilt jeloten, daut . . . [wie] en siene Footspoaren gonen sellen” (1. Petrus 2:21).
DOLLA UNJASTONEN
Unjasto die daut, woo Jesus de goode Norecht vebreed un Wunda deed.
4. Jesus vebreed de goode Norecht
Jesus jinkj hundade Kilomeeta opp stofje Wäaj toom soo väl Menschen aus afens mäajlich de goode Norecht brinjen. Läst Lukas 8:1 un dan got toop dise Froagen derch:
-
Deed Jesus bloos soone Menschen prädjen, waut no am kjeemen toom am toohorchen?
-
Waut deed Jesus aules toom met Menschen räden?
Gott haud verutjesajcht, daut de Messias aundre wudd de goode Norecht brinjen. Läst Jesaja 61:1-2 un dan got toop dise Froagen derch:
-
Woo erfeld Jesus dise Profezeiunk?
-
Jleefst du, fält de Menschen daut nu uk aun dise goode Norecht?
5. Jesus jeef gooden Rot
Buta daut Jesus de goode Norecht von Gott sien Kjennichrikj prädjen deed, jeef hee uk gooden Rot fa daut Läwen. Unjasto die mol een poa Biespels von de bekaunde Boajchprädicht. Läst Matäus 6:14, 34 un 7:12 un dan got toop dise Froagen derch:
-
Waut fa eenen gooden Rot jeef Jesus en dise Bibelvarzhen?
-
Jleefst du, es dis Rot vondoag dän Dach uk noch to brucken?
6. Jesus deed Wunda
Jehova jeef Jesus de Krauft toom väl Wunda doonen. Seet mol eent von dee Wunda. Läst Markus 5:25-34 ooda kjikjt daut VIDEO. Dan got toop dise Froagen derch.
-
Äwa waut wia de kranke Fru en daut Video sikj gaunz secha?
-
Waut foll die besonda opp bie dit Wunda?
Läst Johanes 5:36 un dan got toop dise Froag derch:
-
Fa waut es daut een “Zeichnis”, ooda een Bewies, daut Jesus Wunda deed?
Hast du daut jewist?
Daut mieeschte, waut wie von Jesus weeten, kjemt von de vea Bibelbieekja, waut Evangelien jenant woaren. Daut sent Matäus, Markus, Lukas un Johanes. Jieda eena von dee haft Jesus sien Läwen von veschiedne Kaunten oppjeschräwen. Un wan wie dise Bibelbieekja dan aula läsen, dan kjenn wie väl intressauntet von Jesus sien Läwen lieren.
-
MATÄUS
Hee schreef daut ieeschte sien Evangelium. Hee schreef väl von Jesus siene Lieren; besonda waut Jesus aundre von Gott sien Kjennichrikj lieed.
-
MARKUS
Sien Evangelium es daut kjartste. Hee deed väl groote Sachen kort toopfoten.
-
LUKAS
Hee räd besonda von daut Jebäd un woo Jesus de Frues behaundeld.
-
JOHANES
Hee schreef välet opp, waut Jesus to siene goode Frind un to aundre säd. Daut halpt ons to seenen, waut Jesus fa een Mensch wia.
WAUT EENJE SAJEN: “Jesus es de gaunz hechsta Gott.”
-
Waut jleefst du?
KAPITEL TOOPJEFOT
Jesus lieed aundre von Gott sien Kjennichrikj, hee deed Wunda un wia Jehova emma jehuarsom.
Waut hast du jelieet?
-
Waut wia Jesus siene wichtichste Oabeit oppe Ieed?
-
Waut weesen Jesus siene Wunda?
-
Waut von gooden Rot jeef Jesus fa daut Läwen?
MEA NOSIEEKJEN
Von waut räd Jesus daut mieeschte?
“Wuarom es Gott sien Kjennichrikj fa Jesus wichtich?” (De Woaktorm, 1. Oktooba 2014)
Läs die daut no, wuarom wie ons kjennen secha sennen, daut Jesus siene Wunda opp iernst passieeden.
“Waut kjenn wie von Jesus siene Wunda lieren?” (De Woaktorm, 15. Juli 2004)
Läs, waut daut aun eenen Maun deed, aus hee lieed, woo Jesus om aundre bekjemmat wia.
“En mien Läwen dreid sikj aules bloos om mie” (De Woaktorm, 1. Oktooba 2014)
Besee die eene List met wichtje Sachen, waut Jesus eent no daut aundre deed.
a Kapitel 31-33 woaren noch mea äwa Gott sien Kjennichrikj utlajen.
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
