25. KAPITEL
Waut von Läwen well Gott fa ons?
De Schreft sajcht, daut de Menschen een kortet Läwen haben met väl Trubbels (Hiob 14:1). Es dit daut Läwen, waut Gott fa ons well? Wan nich, waut well hee dan fa ons? Un woat sien Wellen sikj noch mol erfellen? Waut de Schreft doatoo sajcht, kaun ons väl Moot jäwen.
1. Waut von Läwen well Jehova fa ons haben?
Jehova wenscht sikj daut baste Läwen fa ons, waut et jeft. Aus hee de ieeschte beid Menschen muak, Adam un Eva, jeef hee dee een schmocket Paradies, dän Goaden Eden. “Un Gott säajend dee un säd: Mucht jie Kjinja haben un junt äwa de gaunze Ieed vemieren, un äwa de Ieed rejieren” (1. Mose 1:28). Jehova wull, daut dee sullen Kjinja haben un de gaunze Welt to een Paradies moaken un sikj om de Tieren kjemren. Dee sullen uk gaunz jesunt sennen un fa emma läwen.
Wan doa uk es waut mankjekomen, a haft Gott siene Meeninj oba nich jeendat (Jesaja 46:10-11). Hee well noch emma, daut de jehuarsome Menschen fa emma een scheenet Läwen haben (läs Openboarunk 21:3-4).
2. Woo kjenn wie nu aul een tofrädnet Läwen haben?
Jehova haft ons Menschen soo jemoakt, daut ons daut aun daut jeistelje fält. Daut meent, daut wie dän Wunsch haben, am to kjanen un to deenen (läs Matäus 4:4; 5:4-6). Jehova well haben, daut wie goode Frind met am sent, wiels daut sajcht: “Doot waut hee velangt; siet am goot; deent am met jun gaunzet Hoat” (5. Mose 10:12; Psalm 25:14). Wan wie daut doonen, dan woa wie werkjlich Freid haben, aus daut em Läwen jlei rant ooda nich. Jehova deenen jeft ons een tofrädnet Läwen.
DOLLA UNJASTONEN
Acht doaropp, woo Jehova siene groote Leew doaraun to seenen es, woo hee de Welt fa ons jemoakt haft. Un kjikj uk, waut von Läwen Jehova no de Schreft no fa ons well.
3. Jehova well, daut de Menschen een scheenet Läwen haben
Kjikjt daut VIDEO un dan got toop de Froag derch, waut hia aunjejäft es.
-
Wuarom muak Gott onsen schmocken Ieedbaul?
Läst Liera 3:11 (JHF) un dan got toop dise Froag derch:
-
Waut lieet die dit von Jehova?
4. Jehova haft sienen Wellen fa ons nich jeendat
Läst Psalm 37:11, 29 un Jesaja 55:11 un dan got toop dise Froag derch:
-
Woo weet wie daut, daut Jehova daut nich jeendat haft, waut hee fa ons well?
Een tweinjet Hus kaun eena wada foadich moaken. Soo es daut uk met dän Ieedbaul, waut von de Menschen vesiemt wort. Gott woat dän wada fiksen fa deejanje, waut am leewen
5. Jehova deenen jeft ons een tofrädnet Läwen
Wan wie weeten, wuarom wie läwen, dan kaun ons daut schaftich moaken. Kjikjt daut VIDEO un dan got toop de Froag derch, waut hia aunjejäft es.
-
Woo kjeem Terumi daut togood, aus see lieed, waut daut Läwen fa eenen Senn haft?
Läst Liera 12:13 un dan got toop dise Froag derch:
-
Waut sent wie schuldich to doonen, wäajen Jehova soo väl fa ons jedonen haft?
EENJE FROAGEN VELEICHT: “Well Gott soon Läwen fa ons, aus wie vondoag dän Dach haben?”
-
Waut wurscht du dan sajen?
KAPITEL TOOPJEFOT
Jehova well haben, daut wie hia oppe Ieed sellen fa emma läwen, wua aules bloos woat scheen sennen. Wan wie am met ons gaunzet Hoat deenen, dan woa wie mau rajcht nu aul een tofrädnet Läwen haben.
Waut hast du jelieet?
-
Waut haud Jehova gaunz aum Aunfank met Adam un Eva em Senn?
-
Woo weet wie, daut Gott sien Plon fa de Menschen sikj nich jeendat haft?
-
Woo kaust du een werkjlich tofrädnet Läwen haben?
MEA NOSIEEKJEN
See mol, wuarom wie fa neiw weeten kjennen, daut et dän Goaden Eden werkjlich jeef.
“Haft daut dän Goaden Eden werkjlich jejäft?” (De Woaktorm, 1. Jaunewoa 2011)
Lia, wuarom wie ons kjennen secha sennen, daut de Ieed fa emma bliewen woat.
Kjikj mol, woo du no de Schreft no kaust een goodet tofrädnet Läwen haben.
See mol, woo een Maun daut funk, waut am noch fäld, wan hee uk docht, daut hee aules haud.
a En daut näakjste Kapitel woa wie seenen, waut doa es mankjekomen.
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
