36. KAPITEL
Sie en aule Stekjen opprechtich
Wie aula wellen opprechtje Frind haben. Un daut es bie Jehova nuscht aundasch. Oba soone Frind sent en dise Welt nich leicht to finjen, wäajen väle soo onopprechtich sent. Woo es daut toom gooden, en aules opprechtich to sennen?
1. Waut es daut ieeschte, wuarom wie wellen opprechtich sennen?
Wan wie met aundre opprechtich omgonen, dan wies wie Jehova, daut wie am leewen un achten. Denkj doaraun: Jehova weet aules, waut wie doonen un denkjen (Hebräa 4:13). Hee sitt daut, wan wie wellen opprechtich sennen un hee räakjent daut väl. Sien Wuat sajcht: “Daut es oppscheislich waut de vekjieede Menschen doonen, oba de HAR es de jerajchte sea noaun” (Spricha 3:32).
2. Woo kjenn wie daut wiesen, daut wie opprechtich sent?
Jehova sajcht: “Jie sellen unja eenaunda de Woarheit sajen” (Sacharja 8:16-17). Waut meent daut? Wan wie met onse Famielje, Oabeitspoatna, Breeda un Sestren ooda met Rejierungs-Beaumte räden, dan lieej wie nich un schmäaren dee uk nich aun. Opprechtje Menschen stälen nich un unjagonen aundre uk nich (läs Spricha 24:28 un Efeesa 4:28). Un dee tolen uk aul dän Taks, waut see schuldich sent (Reema 13:5-7). Bie aul soont wiesen Christen, daut dee opprechtich sent un “daut opp an to veloten es” (Titus 2:10).
3. Waut brinjt daut fa goodet, wan eena opprechtich es?
Wan wie doafäa bekaunt sent, daut wie opprechtich sent, dan vetruen aundre opp ons. Un wie halpen met, daut aule en de Vesaumlunk sikj secha feelen, soo aus en eene leeftolje Famielje. Wie haben dan een reinet Jewessen un kjennen “de Lia von Gott ... auntrakjent moaken” un soo wellen aundre uk Jehova kjanen lieren (Titus 2:10).
DOLLA UNJASTONEN
See, woo Jehova äwa opprechtich sennen denkjt un woo die daut toom gooden es. Un lia, woo du kaust en veschiedne Loagen opprechtich sennen.
4. Jehova jleicht daut, wan wie opprechtich sent
Läst Psalm 44:22 un Maleachi 3:16 un dan got toop dise Froagen derch:
-
Wuarom es daut nich kluak, wan wie denkjen, daut wie kjennen waut plietsch hoolen?
-
Woo, denkjst du, jeit Jehova daut, wan wie de Woarheit sajen, mau rajcht dan, wan daut uk sea schwoa es?
Wan Kjinja de Woarheit sajen, freien de Elren sikj. Wan wie de Woarheit sajen, freit Jehova sikj
5. Sie emma opprechtich
Väl Menschen jleewen, daut et nich daut baste es, emma opprechtich to sennen. Oba see, wuarom wie emma sellen opprechtich sennen. Kjikjt daut VIDEO.
Läst Titus 2:10 un dan rät toop doaräwa, woo wie wiesen kjennen, daut wie opprechtich sent un daut opp ons to veloten es:
-
Enne Famielje.
-
Bie de Oabeit ooda enne School.
-
Opp aundre Städen.
6. Opprechtich sennen loont sikj
Eenje denkjen veleicht, daut opprechtich sennen sikj nich loont. Oba oppe Lenjd es daut emma daut baste. Läst Psalm 34:13-17 un dan got toop dise Froag derch:
-
Wuarom haft eena een bätret Läwen, wan eena opprechtich es?
-
Een opprechtjet Poa Lied stoakjt äare Ehe
-
De Wieets haben Vetruen opp opprechtje Oabeida
-
Opprechtje Menschen kjrieen eenen gooden Nomen bie de Beaumte
WAUT EENJE SAJEN: “Bloos een beskje lieejen, daut baudat nuscht.”
-
Wuarom jleefst du, daut Jehova aule Läajes jäajenaun sent?
KAPITEL TOOPJEFOT
Jehova well haben, daut siene Frind en aules, waut dee sajen un doonen, opprechtich sent.
Waut hast du jelieet?
-
Waut es eenjet, woo wie kjennen opprechtich sennen?
-
Wuarom es daut nich kluak to denkjen, daut wie waut kjennen plietsch hoolen?
-
Wuarom west du emma opprechtich sennen?
MEA NOSIEEKJEN
Woo kjennen Elren äare Kjinja lieren, opprechtich to sennen?
Wuarom es daut goot, wan wie daut nokomen, waut wie vespräakjen?
Unjasto die daut, aus wie motten Taks betolen, wan dän uk orrajcht jebrukt woat.
“Taks – Motst du dän betolen?” (De Woaktorm, 1. Septamba 2011)
Waut brocht eenen onopprechtjen Maun bat doa, sien Läwen to endren un opprechtich to schaufen?
“Ekj lieed, daut Jehova metliedent es un vejäwen deit” (De Woaktorm, 1. Mei 2015)
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
