37. KAPITEL
Waut de Schreft äwa Oabeit un Jelt sajcht
Hast du die mol Sorjen jemoakt wäajen Oabeit ooda Jelt? Daut kaun schwoa sennen, fa daut needichste to sorjen un dan noch Jehova soo to deenen, aus hee daut wieet es. De Schreft jeft gooden Rot, waut ons halpen kaun.
1. Waut sajcht de Schreft von de Oabeit?
Gott well, daut ons de Oabeit saul scheen gonen. De Schreft sajcht: “De Mensch kaun nuscht bätret doonen, aus ... sikj to siene Oabeit freien” (Liera 2:24). Jehova schauft sea. Wan wie am nodoonen un flietich schaufen, dan freit hee sikj un wie woaren uk tofräd sennen.
De Oabeit es wichtich. Oba wie sellen kjeenmol tooloten, daut de Oabeit wichtja woat aus ons Deenst fa Jehova (Johanes 6:27). Wan wie onsen Deenst fa Jehova oppe ieeschte Städ stalen, vesprakjt hee, daut hee ons daut jäwen woat, waut needich es toom läwen.
2. Woo kjenn wie rajcht äwa daut Jelt denkjen?
Wan de Schreft uk sajcht, daut “Jelt eenem Schutz jeft”, woarnt dee ons oba uk, daut bloos Jelt ons nich kaun schaftich moaken (Liera 7:12). Wie sellen nich bejierich sennen no Jelt, wäajen de Schreft sajcht: “Siet tofräd met waut jie haben” (läs Hebräa 13:5). Wan wie tofräd sent met daut, waut wie haben, dan woa wie nich emma mea wellen un vedrislich woaren. Un wie woaren ons dan uk nich onneedich enne Schult enducken (Spricha 22:7). Soo woa wie de Jefoa utem Stich gonen, opp Jelt to spälen ooda ons en soont nenjäwen, wua eena minkj kaun bosich rikj woaren.
3. Woo kjenn wie wiesen, daut wie nich jiezich sent met ons Jelt?
Jehova es een Gott, waut väl toom äwajen haft, un wie kjennen am nodoonen, wan wie “jieren aun aundre aufdeelen” (1. Timotäus 6:18). Wie wiesen, daut wie met ons Jelt nich jiezich sent, wan wie de Vesaumlunk unjastetten un soone halpen, waut daut fält; besonda onse Gloowesbreeda. Jehova es daut nich soo wichtich, woo väl wie jäwen, oba ut waut fa eenen Senn. Wan wie wellich un von Hoaten jäwen, woa wie schaftich sennen un Jehova freit sikj dan uk äwa ons (läs Aposteljeschicht 20:35).
DOLLA UNJASTONEN
See, woo goot daut es, rajcht äwa de Oabeit to denkjen un tofräd to sennen.
4. Iea Jehova doamet, woo du diene Oabeit deist
Wan wie met Jehova Frind sent, dan wudd daut uk sellen doaraun to seenen sennen, woo wie äwa de Oabeit denkjen. Kjikjt daut VIDEO un dan got toop de Froagen derch, waut hia aunjejäft sent.
-
Waut motst du bewundren, woo Jason äwa de Oabeit jesonnen wia un woo hee sikj doa oppstald?
-
Waut deed hee, daut am de Oabeit nich too wichtich wort?
Läst Kolossa 3:23-24 un dan got toop dise Froag derch:
-
Wuarom es onse Enstalunk äwa de Oabeit wichtich?
De Oabeit es wichtich. Oba wie sellen kjeenmol tooloten, daut de Oabeit wichtja woat aus ons Deenst fa Jehova
5. Tofräd sennen es ons toom gooden
Een deel Menschen proowen sooväl Jelt aus afens mäajlich tooptokleiwen. Oba de Schreft rot ons waut aundret too. Läst 1. Timotäus 6:6-8 un dan got toop dise Froag derch:
-
Waut rot de Schreft ons too?
Mau rajcht wan wie uk sea weinich haben, kjenn wie doawäajen schaftich sennen. Kjikjt daut VIDEO un dan got toop de Froag derch, waut hia aunjejäft es.
-
Waut moakt dise Famieljes schaftich, wan dee daut uk nich riew haben?
Oba waut es, wan du aul een deel hast un noch emma mea west? Jesus vetald een Jlikjnis toom wiesen, woo jefäadlich soont es. Läst Lukas 12:15-21 un dan got toop dise Froag derch:
-
Waut hast du von Jesus sien Jlikjnis jelieet? (See Varsch 15.)
Läst Spricha 10:22 (NW) un 1. Timotäus 6:10 un vejlikjt dee beid Varzhen. Dan got toop dise Froagen derch:
-
Waut jleefst du es wichtja: Met Jehova Frind to sennen ooda een deel Jelt to haben? Wuarom?
-
Waut passieet dan, wan eena nom Jelt hinjaraun es?
6. Jehova woat fa daut needichste sorjen
De Oabeit un Jeltsorjen kjennen onsen Gloowen oppe Proow stalen. Kjikjt daut VIDEO toom seenen, woo eena met soont kaun foadich woaren, un dan got toop de Froagen derch, waut hia aunjejäft sent.
-
Waut fa schwoaret beläwd de Brooda en daut Video?
-
Waut deed hee, daut hee doamet kunn delenjdkomen?
Läst Matäus 6:25-34 un dan got toop dise Froag derch:
-
Waut vesprakjt Jehova fa dee to doonen, waut am aune ieeschte Städ stalen?
WAUT EENJE SAJEN: “Ekj mott sea schaufen toom fa miene Famielje sorjen. Ekj kaun nich jieda Wäakj bie de Toopkomes sennen.”
-
Aun woonen Bibelvarsch kaust du kloa seenen, daut et emma daut baste es, dienen Deenst fa Jehova aun de ieeschte Städ to stalen?
KAPITEL TOOPJEFOT
Ons fält daut aun Oabeit un aun Jelt, oba wie wudden kjeenmol sellen tooloten, daut ons daut von dän Deenst fa Jehova auflenkjt.
Waut hast du jelieet?
-
Waut kaun die halpen, rajcht äwa de Oabeit to denkjen?
-
Woo halpt die daut, wan du tofräd best?
-
Woo kaust du wiesen, daut du die opp Jehova sien Vespräakjen velatst, daut hee fa siene Deena sorjen woat?
MEA NOSIEEKJEN
Unjasto die daut, aus daut Jelt no de Schreft no schlajcht es.
“Es daut Jelt de Wartel von aul daut schlajchte?” (Artikjel opp jw.org)
Lia, woo wie ons Jelt brucken kjennen toom Gott jefaulen.
Es opp Jelt spälen jefäadlich ooda bloos fa Scheengonen?
“Waut sajcht de Schreft doatoo? – Opp Jelt spälen” (Woat waka!, Moaz 2015)
Een Maun deed väl waden un stälen. See, waut dän holp, sien Läwen to endren.
“Ekj jeef mie väl met Pieetsrees auf” (De Woaktorm, 1. Nowamba 2011)
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
