39. KAPITEL
Woo Gott äwa Bloot denkjt
Daut Bloot es sea wichtich, onen daut kaun kjeena läwen. Un wiels Gott ons jemoakt haft, haft hee daut Rajcht väatosajen, woo Bloot jebrukt saul. Un waut sajcht hee äwa Bloot? Kaun eena daut äten ooda sikj daut enlakjen? Woo kaun eena daut rajchte entscheiden, wan daut om dit jeit?
1. Woo denkjt Jehova äwa Bloot?
Jehova säd to siene Deena en de Bibeltiet: “Daut Läwen von aulet Fleesch besteit em Bloot” (3. Mose 17:14). Fa Jehova es daut Bloot Läwen un wiels daut Läwen een heiljet Jeschenkj von Gott es, es daut Bloot uk heilich.
2. Waut sajcht Gott, woo wie daut Bloot nich brucken sellen?
Jehova jeef siene Deena aul ver de Christentiet daut Jeboot, nich Bloot to äten (läs 1. Mose 9:4 un 3. Mose 17:10). Krakjt dautselwje säd Jehova de Christen uk derch dän Väastaunt, daut see sullen “wajch bliewen ... von Bloot” (läs Aposteljeschicht 15:28-29).
Waut meent daut, vom Bloot wajchtobliewen? Wan een Dokta to eenem säd, eena sull von stoakjet wajchbliewen, dan wudd eena daut nich drinkjen. Wudd eena dan waut äten, wua stoakjet mank wia ooda sikj daut loten enlakjen? Gaunz secha nich. Krakjt soo es daut met Gott sien Jeboot, vom Bloot wajchtobliewen. Wie kjennen nich Bloot drinkjen ooda Fleesch äten, waut nich utjeblat es un uk nich waut, wua se Bloot mank haben.
Woo es daut, wan doa Bloot en de Doktarie jebrukt woat? Eenje Doktarieen sent gaunz jäajen Gott sien Jesaz. Daut wudd soont sennen, aus Bloot enlakjen ooda eent von de Hauptpoats von daut Bloot enlakjen: roodet Bloot, wittet Bloot, Blootplotjes un Blootplasma. a Oba eenjemol woaren von dise vea Hauptpoats noch kjlandre Poats rutjenomen fa de Doktarie ooda doa woat veleicht eenem sien ieejnet Bloot jebrukt. Bie dit es daut dan veleicht nich gaunz kloa jäajen Gott sien Jesaz. Jieda eena mott hia selfst entscheiden, waut dee doonen well (Galata 6:5). b
DOLLA UNJASTONEN
Lia, woo du daut kaust entscheiden, woone Doktarieen du aunnämen west, wua daut om Bloot jeit.
3. Moak soone Entscheidungen, waut Jehova jefaulen
Woo kaust du soone Entscheidungen moaken, waut met daut stemmen, woo Jehova äwa Bloot denkjt? Kjikjt daut VIDEO un dan rät toop doaräwa, woo wichtich daut es, daut to doonen, waut hia oppjerieecht es.
-
Bäd om Weisheit (Jakobus 1:5).
-
Sieekj no biblische Gruntsauzen un see, woo dee die kjennen halpen (Spricha 13:16).
-
Unjasto die daut, waut vonne Doktarieen daut doa jeft, wua du wonst.
-
Moak die daut secha, woone Doktarie du nich west aunnämen.
-
Komm doafäa opp, daut du wäajen diene Entscheidunk woascht een rujet Jewessen haben (Aposteljeschicht 24:16). c
-
Hool em Denkj, daut kjeena fa die entscheiden kaun, wan daut om dien Jewessen jeit: nich dien Ehepoatna ooda een Eltesta ooda dien Bibelliera (Reema 14:12).
-
Schriew daut opp, to waut du die best eenich jeworden.
4. Jehova siene Zeijen sieekjen sikj goode Doktarieen
Daut es mäajlich, sikj aun Gott sien Jesaz to hoolen äwa daut Bloot un dan noch goode Doktarieen to finjen, wua nich Bloot met en es. Kjikjt daut VIDEO.
Läst Titus 3:2 un dan got toop dise Froag derch:
-
Wuarom sell wie Respakjt wiesen un frintlich un leeftolich to de Doktasch sennen?
|
Nich fa Christen |
Selfst entscheiden |
|---|---|
|
A. Blootplasma. |
Poatjes von Blootplasma |
|
B. Wittet Bloot. |
Poatjes von wittet Bloot |
|
C. Blootplotjes. |
Poatjes von Blootplotjes |
|
D. Roodet Bloot. |
Poatjes von roodet Bloot |
5. Wan daut om kjlandre Poats vom Bloot jeit
Bloot haft vea Hauptpoats: roodet Bloot, wittet Bloot, Blootplotjes un Blootplasma. Dise Hauptpoats haben noch väl kjlandre Poats bennen. d Un dise kjlandre Poats woaren en Medizien jebrukt toom halpen, jäajen eene Krankheit to doktren ooda daut eene Wund opphieet met bladen.
Wan daut om dise kjliene Poats von daut Bloot jeit, dan mott jieda Christ no sien ieejnet Jewessen no entscheiden, waut sikj oppe Schreft stett. Eenje wellen eene jewesse Doktarie veleicht nich aunnämen, wua dise kjlandre Poats vom Bloot met en sent. Aundre feelen veleicht, daut äa Jewessen daut toolat, dise kjlandre Poats auntonämen.
Denkj bie diene Entscheidunk äwa dise Froag no:
-
Woo wudd ekj eenen Dokta daut utlajen, wuarom ekj jewesse kjlandre Poats vom Bloot wudd aunnämen ooda nich?
EENJE FROAGEN VELEICHT: “Waut es orrajcht met sikj loten Bloot enlakjen?”
-
Waut denkjst du?
KAPITEL TOOPJEFOT
Jehova well daut nich haben, daut wie daut Bloot sellen orrajcht brucken.
Waut hast du jelieet?
-
Wuarom talt Jehova daut Bloot fa heilich?
-
Gott jeef daut Jeboot, vom Bloot wajchtobliewen. Woo weet wie, daut doa uk met en es, sikj nich loten Bloot enlakjen?
-
Woo kaust du goode Entscheidungen moaken, wan daut om Bloot en de Doktarie jeit?
MEA NOSIEEKJEN
Äwa waut wurscht du sellen nodenkjen, ea du entscheiden deist, woo dien Bloot enne Doktarie kaun jebrukt woaren?
Waut wurscht du sellen äwalajen, wan du jrebbelst, aus du sust de kjlandre Poats vom Bloot aunnämen ooda nich?
Woo kjeem daut, daut een Dokta daut aunneem, woo Jehova äwa Bloot denkjt?
“Ekj neem daut aun, woo Gott äwa Bloot denkjt” (Woat waka!, 8. Dezamba 2003)
See, woo de Eltestasch, waut en daut Hospitol-Vemedlungs-Kommitee deenen, de Breeda un Sestren biestonen.
a Opp Enjlisch heeten dee red cells, white cells, platelets un plasma. Un opp Spaunisch heeten dee glóbulos rojos, glóbulos blancos, plaquetas un plasma.
b See daut 35. Kapitel “Woo eena kaun goode Entscheidungen moaken”.
c See dän Punkt 5 “Wan daut om kjlandre Poats vom Bloot jeit” un Enjnoot 3 “Doktarie, wua Bloot met en es”.
d Eenje Doktasch talen de vea Hauptpoats von daut Bloot aul aus kjlandre Poats. Doawäajen motst du dän Dokta daut veleicht utlajen, daut du die nich west loten Bloot enlakjen uk nich roodet Bloot, wittet Bloot, Blootplotjes ooda Blootplasma.
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
