54. KAPITEL
Waut “de trua, weisa Kjnajcht” deit
Jesus es daut Haupt von de Christenvesaumlunk (Efeesa 5:23). Vondoag dän Dach leit Jesus siene Nofolja oppe Ieed derch eenen truen un weisen Kjnajcht (läs Matäus 24:45). Jesus Christus selfst stald disen “Kjnajcht” aun un jeef dän daut Rajcht, wesse Entscheidungen to moaken. Oba dis Kjnajcht mott Christus jehuarsom sennen un Christus siene Breeda deenen. Wäa es dis Kjnajcht? Un woo sorcht dee fa ons?
1. Wäa es “de trua, weisa Kjnajcht”?
Jehova haft emma eenen Maun ooda eene kjliene Grupp Mana jebrukt toom sien Volkj Aunwiesungen jäwen (Maleachi 2:7; Hebräa 1:1). No Jesus sienen Doot deeden de Apostel un de Eltestasch en Jerusalem en daut Woakj veraungonen (Aposteljeschicht 15:2). Un krakjt soo doonen daut vondoag dän Dach eene kjliene Grupp von Eltestasch. Dise Grupp woat de Väastaunt von Jehova siene Zeijen jenant. Dee sorcht fa daut jeistelje Äten un leit daut Prädichtwoakj. Dise Grupp es “de trua, weisa Kjnajcht, dän [Jesus] ... äwa sien Hushault jesat haft” (Matäus 24:45a). Aul de Breeda vom Väastaunt sent met dän heiljen Jeist jesaulft. Dee freien sikj toom met Christus toop en sien himlischet Kjennichrikj rejieren, wan dee äa Läwen oppe Ieed ieescht to Enj es.
2. Waut von jeisteljet Äten jeft de trua Kjnajcht?
Jesus stald dän truen Kjnajcht aun, siene Gloowesbreeda “to rajchte Tiet äten to jäwen” (Matäus 24:45b). Dit jeistelje Äten halpt ons, em Gloowen stoakj to bliewen, krakjt soo aus aundret Äten ons halpt, kjarpalich stoakj un jesunt to bliewen. Un daut jeistelje Äten, ooda de Aunwiesungen ut Gott sien Wuat, halpt ons, Jehova tru to bliewen un de Oabeit notokomen, waut Jesus ons oppjejäft haft (1. Timotäus 4:6). Dit jeistelje Äten kjrie wie derch onse Toopkomes, Kongressen un uk derch onse Bieekja un Videos, waut sikj oppe Schreft stetten. Dee halpen ons, Gott sienen Wellen to vestonen un noch jratre Frind met am to woaren.
DOLLA UNJASTONEN
See, wuarom ons daut aun dän truen, weisen Kjnajcht fält, waut de Väastaunt es.
De Väastaunt sorcht fa jeisteljet Äten, Aunwiesungen un Help fa Jehova siene Zeijen oppe gaunze Welt
3. En Jehova sien Volkj mott aules ordentlich sennen
Jesus sorcht derch dän Väastaunt doafäa, daut Jehova siene Zeijen äa Woakj ordentlich jedonen woat. Soo deed Jesus daut uk aul bie de ieeschte Christen. Kjikjt daut VIDEO.
Läst 1. Korinta 14:33, 40 un dan got toop dise Froag derch:
-
Woo wiesen dise Varzhen, daut Jehova daut well, daut doa Ordnunk es mank siene Deena?
4. De trua Kjnajcht kjemmat sikj om daut Prädichtwoakj
De wichtichste Oabeit, waut de ieeschte Christen deeden, wia prädjen. Läst Aposteljeschicht 8:14, 25 un dan got toop dise Froagen derch:
-
Wäa jinkj bie de ieeschte Christen en daut Prädichtwoakj veraun?
-
Waut deeden Petrus un Johanes, aus see von de aundre Apostel eene Oppgow kjrieejen?
Sikj om daut Prädichtwoakj kjemren, es de wichtichste Oabeit von dän Väastaunt. Kjikjt daut VIDEO.
Jesus muak daut gaunz dietlich, woo wichtich daut Prädichtwoakj wia. Läst Markus 13:10 un dan got toop dise Froagen derch:
-
Woosoo nemt de Väastaunt daut Prädichtwoakj soo iernst?
-
Wuarom fält daut aun dän truen, weisen Kjnajcht toom dit Woakj oppe gaunze Welt derchfieren?
5. De trua Kjnajcht jeft Aunwiesungen
De Väastaunt jeft de Christen oppe gaunze Welt Aunwiesungen. No waut recht dee sikj, wan dee Aunwiesungen jeft? See, woo de Väastaunt von de ieeschte Christen daut deed. Läst Aposteljeschicht 15:1-2 un dan got toop dise Froagen derch:
-
Waut kjeem mank de ieeschte Christen opp?
-
Bie wäm jinjen Paulus un Barnabas un uk aundre no Rot toom dise Sach oppem kloaren brinjen?
Läst Aposteljeschicht 15:12-18, 23-29 un dan got toop dise Froag derch:
-
Ea de Väastaunt to jane Tiet eene Entscheidunk muak, wull dee weeten, woo Gott doaräwa docht. Woo deed dee daut? (See Varsch 12, 15 un 28.)
Läst Aposteljeschicht 15:30-31 un 16:4-5 un dan got toop dise Froagen derch:
-
Waut deeden de ieeschte Christen, aus see de Entscheidunk von dän Väastaunt hieeden?
-
Woo säajend Jehova daut, wiels see jehuarsom wieren?
Läst 2. Timotäus 3:16 un Jakobus 1:5 un dan got toop dise Froag derch:
-
Wua sieekjt de Väastaunt vondoag dän Dach no Rot toom waut entscheiden?
WAUT EENJE SAJEN: “Wan du no dän Väastaunt horchst, dan deist je du bloos Menschen nofoljen.”
-
Wuarom best du die secha, daut Jesus dän Väastaunt leiden deit?
KAPITEL TOOPJEFOT
De Väastaunt es “de trua, weisa Kjnajcht”, dän Christus aunjestalt haft. Dee jeft de Christen oppe gaunze Welt Aunwiesungen un jeisteljet Äten.
Waut hast du jelieet?
-
Von wäm es “de trua, weisa Kjnajcht” aunjestalt?
-
Woo sorcht de Väastaunt fa ons?
-
Jleefst du, daut de Väastaunt “de trua, weisa Kjnajcht” es?
MEA NOSIEEKJEN
Woo es de Oabeit von dän Väastaunt enjedeelt?
“Waut es de Väastaunt von Jehova siene Zeijen?” (Artikjel opp jw.org)
Lia, woo de Väastaunt sikj doarom kjemmat, daut opp daut jeistelje Äten, waut wie kjrieen, to vetruen es.
Woo denkjen de Breeda vom Väastaunt äwa de Oabeit, waut Jesus an oppjejäft haft?
Woo wiesen onse Toopkomes un Kongressen, daut Jehova dän Väastaunt leit?
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
