55. KAPITEL
Unjastett diene Vesaumlunk
Millionende Menschen deenen Jehova schaftich en dusende Vesaumlungen oppe gaunze Welt. Dee sent dankboa fa de Aunwiesungen, waut dee kjrieen, un unjastetten de Vesaumlunk wellich opp veschiedne Wäaj. Woo denkjst du äwa diene Vesaumlunk?
1. Woo kaust du diene Tiet un Krauft brucken toom diene Vesaumlunk unjastetten?
Wie kjennen aula en de Vesaumlunk methalpen. Sent en diene Vesaumlunk biejlikj elre ooda kranke Menschen? Kaust du dee halpen, no de Toopkomes to komen? Ooda kaust du dee opp eene aundre Wajch halpen, soo aus fa dee enkjeepen ooda dee äa Hus besorjen? (Läs Jakobus 1:27.) Wie wudden uk kjennen methalpen, daut Vesaumlungshus besorjen ooda unjahoolen. Kjeena bemott ons, dise Sachen to doonen; wie doonen daut “friewellich”, wiels wie Gott un onse Breeda leewen (Psalm 110:3).
Jedeepte Vekjindja kjennen de Vesaumlunk uk noch opp aundre Wäaj unjastetten. Breeda kjennen aus Deenstaumthelpa ooda Eltestasch deenen, wan dee daut nokomen, waut de Schreft von dee velangt. Breeda un uk Sestren kjennen aus Pionia deenen un soo daut Prädichtwoakj dolla unjastetten. Eenje kjennen uk methalpen, Jebieda fa de woare Aunbädunk to buen ooda doahan trakjen, wua daut en eene Vesaumlunk aun Help fält.
2. Woo kjenn wie ons Hab un Goot brucken toom de Vesaumlunk unjastetten?
Wie kjennen daut nokomen, waut de Schreft sajcht: “Iea däm HARN met waut du hast” (Spricha 3:9). Fa ons es daut eene Iea, wan wie kjennen onse Vesaumlunk un daut Prädichtwoakj oppe gaunze Welt met ons Jelt ooda aundre Sachen unjastetten (läs 2. Korinta 9:7). Onse Gowen woaren uk jebrukt toom em Nootfaul uthalpen. Väle doonen räajelmässich eene “bestemde Somm auntsied lajen”, om Gowen to jäwen (läs 1. Korinta 16:2). Wie kjennen onse Gowen äwa Internet opp donate.pr418.com jäwen ooda dee enne Gowenkaustes enlajen, biejlikj en onse Vesaumlungshiesa. Wie kjennen Jehova doaderch onse Leew wiesen, woo wie onse tietelje Sachen brucken.
DOLLA UNJASTONEN
See eenjet, woo du de Vesaumlunk kaust unjastetten.
3. Wie kjennen von ons Hab un Goot jäwen
Jehova un Jesus räakjnen dee väl, waut friejäwrich sent. Jesus lowd biejlikj eene Wätfru, waut Jehova waut jeef, wan see uk oam wia. Läst Lukas 21:1-4 un dan got toop dise Froagen derch:
-
Mott wie väl Jelt jäwen toom Jehova jefaulen?
-
Woo denkjen Jehova un Jesus äwa ons, wan wie von Hoaten jäwen?
Toom seenen, woo onse Gowen jebrukt woaren, kjikjt daut VIDEO. Dan got toop de Froag derch, waut hia aunjejäft es.
-
Woo woaren de Gowen jebrukt toom de Vesaumlungen oppe gaunze Welt halpen?
4. Wie kjennen friewellich methalpen
En de Bibeltiet wieren Jehova siene Deena wellich reed, äare Aunbädungsstäd to unjahoolen. Oba doa wia noch mea met en, aus bloos Jelt to jäwen. Läst 2. Chronik 34:9-11 un dan got toop dise Froag derch:
-
Woo holpen aule Israeliten met, Jehova sien Hus, ooda de Aunbädungsstäd, to unjahoolen?
Jehova siene Zeijen doonen daut krakjt soo aus dee von de Bibeltiet. Toom seenen, woo dee daut doonen, kjikjt daut VIDEO. Dan got toop de Froagen derch, waut hia aunjejäft sent.
-
Woosoo es daut wichtich, onse Vesaumlungshiesa rein un en Ordninj to hoolen?
-
Woo kaust du doabie methalpen?
5. Breeda kjennen no mea Veauntwuatunk sträwen
De Schreft rot christelje Mana too, aules to doonen, waut see kjennen, toom de Vesaumlunk unjastetten. Toom een Biespel seenen, kjikjt daut VIDEO. Dan got toop de Froag derch, waut hia aunjejäft es.
-
En daut Video, woo sträwd Ryan doano, de Vesaumlunk dolla to unjastetten?
De Schreft lajcht daut ut, waut von soone Breeda velangt woat, waut aus Deenstaumthelpa un Eltestasch deenen. Läst 1. Timotäus 3:1-13 un dan got toop dise Froagen derch:
EENJE FROAGEN VELEICHT: “Woo betolen Jehova siene Zeijen äa Woakj, waut dee doonen?”
-
Waut wurscht du dan sajen?
KAPITEL TOOPJEFOT
Jehova räakjent daut sea väl, wan wie ons aunstrenjen, de Vesaumlunk met onse Tiet, Krauft un Hab un Goot to unjastetten.
Waut hast du jelieet?
-
Woo kjenn wie onse Tiet un Krauft brucken toom de Vesaumlunk unjastetten?
-
Woo kjenn wie ons Hab un Goot brucken toom de Vesaumlunk unjastetten?
-
Woo wurscht du jleichen, diene Vesaumlunk to unjastetten?
MEA NOSIEEKJEN
See, wuarom Gott daut nich mea von siene Deena velangt, daut dee dän Tieenden jäwen.
“Waut sajcht de Schreft äwa dän Tieenden jäwen?” (Artikjel opp jw.org)
No de Schreft no sellen jewesse Oppgowen von jedeepte Mana jedonen woaren. Oba waut, wan eene jedeepte Fru mol soone Oppgow doonen mott?
“De Eltestasch äare Veauntwuatunk en de Vesaumlunk” (De Woaktorm, Feebawoa 2021)
See, woo sea eenje Breeda sikj aunstrenjden toom Bieekja un Hefta no äare Gloowesbreeda brinjen.
Ons Woakj drajcht sikj gaunz aundasch aus daut von aundre Jemeenten. Läs, woo ons Woakj unjastett woat.
“Woo drajcht daut Woakj von Jehova siene Zeijen sikj?” (Artikjel opp jw.org)
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
