Woo du daut mieeschte kaust ut jieda Kapitel rutschapen
Besee die hia, woo dit Buak schauft, un dan kjikj daut VIDEO.
IEESCHTET POAT
Wan du fa een Kapitel väastudieescht, dan läs daut ieeschte Poat. De Froagen (A), wua daut dunkla jeschräwen es, un de Bibelvarzhen (B) wiesen, om waut daut en daut Kapitel jeit. Opp Städen steit bie de Bibelvarzhen uk “läs”.
MEDDELSTET POAT
De Varsch (C) bie Dolla unjastonen sajcht, waut von doa wieda derchjenomen woat. De Äwaschreften (D) sajen, om waut daut jeit. Doo met eenen Bibelliera toop de Bibelvarzhen läsen, de Froagen beauntwuaten un de Videos kjikjen.
De VIDEOS un AUDIOS en jieda Kapitel halpen eenem, daut noch bäta to vestonen. Eenje Videos sent woare Jeschichten. Aundre Videos sent bloos utjedocht un nojespält, woo daut em Läwen sennen kunn.
Besee die de Bilda un waut doa biejeschräwen (E) es un äwalaj, waut du bie daut Poat Waut eenje sajen (F) auntwuaten wurscht.
LATSTET POAT
Tolatst kjemt noch daut Poat Kapitel toopjefot un Waut hast du jelieet? (G). Dan kaust du uk noch dän Dotem doa nenschriewen, wanea daut Kapitel derch es. Bie daut Poat Nemm die dit väa (H) woat die toojerot, aun waut du schaufen kaust. Bie Mea nosieekjen (I) es noch bowenenn waut aunjejäft, wan du noch mea weeten west.
Woo du eenen Bibelvarsch finjen kaust
De Schreft haft 66 Bibelbieekja. Dee es en twee Poats enjedeelt: de Hebräisch-Aramäische Schreften (daut “Oole Tastament”) un de Christelje Griechische Schreften (daut “Niee Tastament”).
Wan doa een Bibelvarsch aunjejäft es, dan kjemt daut ieeschte daut Bibelbuak (A), dan daut Kapitel (B) un dan de Varsch ooda Varzhen (C).
Biejlikj Johanes 17:3 meent: Daut Buak Johanes, Kapitel 17, Varsch 3.
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
