Alex weet nich mea neiw, von wua de Storm kjemt: Hee haft noch emma aun Gott un aun eenen Schepfa jejleeft, oba nu blift de Schoolliera doaropp stonen, daut de Ewoluzion rajcht es un daut de Forscha daut rutjefungen haben. Alex well nich, daut et soo sitt, hee es nich gaunz kluak. Hee denkjt uk soo: “Wan de Forscha daut rutjefungen haben, daut et soo es, wuarom well ekj dan doaraun twiewlen?”

Wan du Alex wieescht, wurscht du dan fuaz aun de Ewoluzion jleewen, bloos wäajen de Schoolbieekja daut soo sajen?

Menschen, waut aun Gott jleewen, un uk soone, waut aun de Ewoluzion jleewen, sent foaken fuaz reed to sajen, waut see jleewen, oba nich wuarom dee daut jleewen.

• Eenje jleewen aun eenen Schepfa, bloos wiels se dee daut enne Kjoakj soo jelieet haben.

• Eenje jleewen aun de Ewoluzion, bloos wiels se dee daut enne School soo jelieet haben.

De Schreft sajcht: “Aule Hiesa woaren von wäm jebut. Oba dee, dee aules but, es Gott” (Hebräa 3:4). Es daut kluak to jleewen?

WAUT SE SAJEN: Ea daut irjentwaut jeef, haft daut mol een grootet Jeknaul (dän Uaknaul) jejäft un doamet funk aules aun.

WAUT SE SAJEN: Menschen komen von Tieren häa.

WAUT SE SAJEN: Fa de Ewoluzion jeft daut Bewies.

“Wan du derchem Woolt jinjst un sachst doa een schmocket heltanet Hus, wurscht du dan denkjen: ‘Daut’s je wundaboa! De Beem sent aula krakjt soo hanjekjeiwelt, daut et dit Hus jeef?’ Nich mol veleicht! Daut jeit nich mol. Wuarom wudd wie dan sellen jleewen, daut aulet aundre bloos veselfst oppjekomen wia?” (Julia).

“Saj wie mol, die vetalt wäa, daut de Maschien enne Drekjarie oppjedäwat es, un daut Tint wia en de gaunze Stow vesprezt un daut haud doavon een gaunzet Wieedbuak jejäft. Wudd eena sikj soont loten enbillen?” (Gwen).

De Schreft rot ons too: “Unjasieekjt aules” (1. Tessalonicha 5:21). Daut meent: Wan eena aun Gott jleeft, dan mott daut nich bloos wäajen dise Jrind sennen:

• WAUT EKJ FEEL: (Ekj jleew, doa es noch eene jratre Krauft)

• WIE HABEN DAUT SOO: (Hia jleewen se aula aun Gott)

• AUNDRE VELANGEN DAUT: (Bie ons tus säden se emma, ekj must aun Gott jleewen)

Enne Städ daut wurscht du sellen eene goode Uasoak haben, wuarom du aun Gott jleefst.

“Wan de Liera daut en miene School utlajcht, woo ons Kjarpa schauft, dan hab ekj kjeenen Twiewel, aus daut eenen Gott jeft. Jieda Poat von ons Kjarpa haft siene Oabeit, endoont woo kjlien daut es. Un jieda Poat schauft wieda, onen daut wie daut enwoaren. Daut’s bloos schia nich to bejriepen!” (Teresa).

“Wan ekj een huaget Hus see ooda een grootet Schepp ooda eene Koa, dan denkj ekj soo: ‘Wäa haft daut jemoakt?’ Daut brukt kluake Menschen toom biejlikj eene Koa moaken. Dee haft soo väl Stekjen, waut doa motten rajcht schaufen, daut dee bruckboa es. Wan eene Koa wäa jemoakt haft, wudd wie Menschen dan nich uk jemoakt sennen?” (Richard).

“Je dolla ekj mie met de Wissenschoft aufjeef, je weinja jleewd ekj aun de Ewoluzion. . . . Fa mie es daut schwanda to jleewen, daut de Iedee von de Ewoluzion rajcht es, aus daut et eenen Schepfa jeft” (Anthony).

De Forscha haben aul joarenlank studieet, oba dee kjennen de Iedee von de Ewoluzion nich aula äwareen erkjläaren. Wan de Forscha, waut opp äa deisent no utjelieet sent, sikj nich mol eenich sent, es doa dan waut met orrajcht, wan wie äwa dee äare Meenunk twiewlen?