“Du [hast] aules jemoakt” (Openboarunk 4:11)

Waut lieet de Schreft ons äwa Gott?

• Openboarunk 15:3

  Hee es aulmajchtich; kjeena haft soo väl Macht aus hee.

• Psalm 90:2

  Gott es noch emma jewast.

• Matäus 6:9

  Gott es ons Voda.

  Hee well, daut ons daut opp iernst scheen jeit.

• Aposteljeschicht 17:27

  Gott well ons Frint sennen.

“Jehova . . . es mien Nomen opp emma” (2. Mose 3:15, NW)

Wuarom es Gott sien Nomen wichtich?

• Psalm 83:19

  Gott lat ons weeten, daut sien Nomen Jehova es. * “Gott” ooda “Har” sent nich Nomes. Daut sent Tietels, waut dän sien Aumt beschriewen, soo aus “Kjennich” ooda “Präsident”. Jehova well, daut du sienen Nomen brukst.

• 2. Mose 3:14, NW

  Sien Nomen bediet “Hee lat woaren”. Wiels Jehova aules jemoakt haft, kaun hee aules loten soo romkomen, aus hee daut vesprakjt, un uk aules doonen, waut hee sikj väanemt.

“Gott es Leew” (1. Johanes 4:8, Friesenbibel)

Woo wiest Gott ons siene Leew?

• 2. Mose 34:6; Psalm 37:28

  Hee es metliedent un voll Jnod. Hee räakjent Woarheit un Jerajchtichkjeit sea väl.

• Psalm 86:5

  Hee es reed to vejäwen.

• 2. Petrus 3:9

  Hee haft Jedult met ons.

• Psalm 18:26

  Hee es tru.

“Schmiet aul june Sorjen opp am; hee sorcht fa junt” (1. Petrus 5:7)

Woo weet wie, daut Gott werkjlich om ons bekjemmat es?

• Psalm 37:9-11

  Hee vesprakjt, daut hee met aulet Lieden een Enj moaken woat un daut hee aul dän Schoden wada gootmoaken woat, waut schlajchte Menschen aunjerecht haben.

• Jakobus 4:8

  Jehova well haben, daut wie siene Frind woaren.

• Johanes 17:3

  Je bäta wie Gott kjanen lieren, je dolla woa wie dän leewen.