“Wan een Mensch vesocht woat, saul hee niemols sajen, daut Gott am vesieekjt. Gott kaun nich toom beesen vesocht woaren, un hee vesieekjt uk kjeenem” (Jakobus 1:13)

Wuarom es doa soo väl Lieden enne Welt?

• 1. Johanes 5:19

  De Welt woat von dän Soton, dän beesen Fient, beharscht.

• Liera 4:1

  Väle motten wäajen aundre Menschen lieden.

• Liera 9:11

  Eenjemol passieet eenem waut schlemmet, wiels eena opp eene Städ es, wua onverhofs waut woat.

• 1. Petrus 5:7

  Jehova leeft de Menschen sea. Hee haust daut, wan wie lieden motten.

Gott weet, daut june Uagen woaren op sennen un jie woaren soo aus Gott sennen un weeten, waut goot un waut schlajcht es (1. Mose 3:5)

Wuarom haft Jehova dän Soton nich fuaz venicht?

• 1. Mose 3:2-5

  De Soton schmeet Gott väa, daut hee een schlajchta Harscha wia, un wull de Menschen enräden, daut see selfst entscheiden kunnen, waut goot un waut schlajcht wia. Doawäajen wort Jehova sikj eenich, eene Tiet vegonen to loten, daut sikj daut utwiesen wudd, daut de Soton jeloagen haud.

• Hiob 1:6; 38:7

  Millionende Enjel sagen daut, aus de Soton sikj jäajen Jehova stald.

“Ekj weet goot, . . . daut dän Mensch sien Wajch nich am jehieet. Dän Maun, dee doa wankt, jehieet daut nich mol, sienen Schrett to rechten” (Jeremia 10:23, NW)

Wuarom haben de Menschen aul soo lang must lieden?

• Jesaja 55:9

  Menschen haben aul väl veschiedne Rejierungen jehaut, oba onen Gott kjennen see de Welt nich rajcht rejieren.

• 2. Petrus 3:9-10

  Jehova es jeduldich un jeft ons Tiet, am kjanen to lieren un am aus Harscha auntonämen.

• 1. Johanes 3:8

  Jehova woat derch Jesus aul dän Schoden wada gootmoaken, waut de Soton aunjerecht haft.

“Sie weis, mien Sän, . . . doamet etj mienem Vespotta Auntwuat jäwe kaun” (Spricha 27:11, Friesenbibel)

Wuarom bemott Jehova ons nich, daut wie am deenen?

• 5. Mose 30:19; Spricha 30:24

  De Tieren doonen eefach daut, waut dee enjejäft es, oba ons haft Jehova dän frieen Wellen jejäft. Wie kjennen selfst entscheiden, aus wie am deenen wellen ooda nich.

• Matäus 22:37-38

  Jehova well, daut wie am ut Leew deenen.