“Waut ekj von an velangd, wia daut see mie jehorchen sullen, un dan wudd ekj äa Gott sennen un see wudden mien Volkj sennen” (Jeremia 7:23)

Es daut mäajlich, Gott sien Frint to woaren?

• 1. Mose 22:18; Jakobus 2:23

  Abraham wort Jehova sien Frint, wiels hee am jehorcht un vetrud.

• 2. Chronik 16:9

  Jehova woat dee halpen, waut am jehuarsom sent.

• Psalm 25:14; 32:8

  Jehova lieet siene Frind un jeft dee Weisheit.

• Psalm 55:23

  Jehova unjastett siene Frind.

“Derch aul dit, vesindijd Hiob sikj nich un schmeet kjeene Schult opp Gott” (Hiob 1:22)

Woo sad de Soton Hiob too? Woo jinkj Hiob doamet om?

• Hiob 1:10-11

  De Soton säd, daut Hiob bloos aun sikj selfst docht un Gott nich werkjlich leewd.

• Hiob 1:12-19; 2:7

  Jehova leet daut too, daut de Soton Hiob aules wajchneem un soogoa eene schlemme Krankheit opp am brocht.

• Hiob 2:10

  Hiob wist nich, wuarom hee soo lieden must, oba hee bleef doawäajen tru.

“Waut jeft de Mensch nich fa siene Jesuntheit [ooda sien Läwen]?” (Hiob 2:4)

Woo prooft de Soton, ons von Jehova auftobrinjen?

• 2. Korinta 11:14

  De Soton well ons teischen, soo daut wie Jehova ontru woaren.

• Spricha 15:13

  Hee well ons enbillen, daut wie nich goot jenuach sent, Jehova to deenen.

• 1. Petrus 5:8

  De Soton vefolcht ons.

• Spricha 27:11

  Stal die opp Jehova siene Sied, horch no am un bliew sien trua Frint. Doamet bewiest du, daut de Soton een Läajna es.

“Wan wie Gott goot sent, dan hool wie siene Jebooten” (1. Johanes 5:3)

Woo kaust du Jehova sien Frint woaren?

• 5. Mose 6:5

  Wan du Gott leefst, dan woascht du daut doonen wellen, waut am jefelt.

• Jesaja 48:17-18

  Sie Jehova jehuarsom; daut es emma daut baste fa die.

• 5. Mose 30:11-14

  Du kaust die secha sennen, daut Jehova kjeenmol waut von die velangt, waut du nich doonen kaust.

• Jesaja 12:2

  Doo daut rajchte, un Jehova woat die de Krauft jäwen, waut die fält.