“Du best dee, von däm aulet Läwen kjemt” (Psalm 36:10)

Woo wies wie, daut wie daut Läwen achten?

• Aposteljeschicht 17:28; Openboarunk 4:11

  Daut Läwen es een Jeschenkj von Jehova. Wie sellen daut Läwen achten.

• 2. Mose 21:22-23, NW; 5. Mose 5:17

  Mort un Bäbes aufdoktren es orrajcht.

• 1. Johanes 3:11-12, 15

  Äwa aundre vehaust sennen es orrajcht.

• 2. Korinta 7:1

  Lot orreine Aunjewanheiten toch, soo aus schmieekjen un Droggs brucken.

• Spricha 3:31

  Lot Tietvedrief toch, waut met Jewault to doonen haft.

“Em Bloot es daut Läwen . . . daut Läwen von aulet Fleesch besteit em Bloot” (3. Mose 17:14)

Woo denkjt Gott äwa daut Läwen un daut Bloot?

• 1. Mose 4:10; 5. Mose 12:23

  Daut Bloot stalt daut Läwen väa.

• 1. Mose 9:3-4

  Wie kjennen Fleesch äten, oba nich Bloot.

• Aposteljeschicht 15:28-29; 21:25

  Gott haft ons daut Jeboot jejäft, von Bloot wajchtobliewen. Doa es uk met en, daut nich toom doktren to brucken.

• Hebräa 11:6

  Daut wie Jehova siene Frind sent, es daut gaunz wichtichste em Läwen.

“Daut Bloot von . . . Jesus Christus moakt ons rein von aule Sind” (1. Johanes 1:7)

Waut es fa ons mäajlich derch Jesus sien Opfa?

• 3. Mose 17:11

  Wan de Israeliten jesindicht hauden, kunnen dee Jehova om Vejäwunk froagen. Doatoo musten dee een Tia no de Priestasch brinjen. Dee opfaden daut un gooten waut von daut Bloot opp dän Aultoa.

• Matäus 20:28; Hebräa 9:11-14

  Aus Jesus no de Ieed kjeem, jeef hee sien Läwen, ooda Bloot, aus een Opfa, daut ons de Sinden kjennen vejäft woaren. Nu brucken Christen nich mea Tieren opfren.

• Johanes 3:16

  Jesus sien Läwen wia sea wieetvoll. Doawäajen kaun Jehova aule Menschen, dee aun Jesus jleewen, eewjet Läwen jäwen.