“Daut Puat es enj un de Wajch es schmaul, dee toom Läwen fieet, un daut sent mau weinich, dee daut finjen” (Matäus 7:14)

Woo weet wie, daut Gott nich aule Gloowes fa rajcht talt?

• Matäus 7:21-23

  Gott talt nich aule Gloowes fa rajcht. Nich aule Gloowes doonen Gott sienen Wellen.

• Matäus 7:13-14

  De rajchta Gloowen fieet toom eewjen Läwen. De faulsche Gloowes fieren to de eewje Venichtunk.

• Matäus 7:16-17

  Dän rajchten Gloowen kaun eena doaraun kjanen, waut dee fa Frucht, ooda Woakjen, haft. Eena brukt nich aul de veschiedne Gloowes unjasieekjen. Eena brukt bloos weeten, waut de Schreft sajcht.

• 1. Tessalonicha 2:13; 2. Timotäus 3:16-17

  Jleew bloos daut, waut de Schreft sajcht, un lia aundre uk bloos daut.

• Matäus 4:10; Johanes 17:6

  Bäd Jehova aun un bruck sienen Nomen.

• Johanes 13:35

  Bewies aundre woare Leew.

• Johanes 3:36; Aposteljeschicht 4:12

  Horch no Jesus. Gott brukt Jesus toom ons raden.

• Johanes 18:36; Aposteljeschicht 5:29

  Menj die nich mank de Politikj (Rejierungssachen).

• Matäus 24:14; 6:10

  Moak daut bekaunt, daut bloos Gott sien Rikj de Menschen met äare Trubbels halpen kaun.

Waut mott wie doonen, daut Gott onse Aunbädunk aunnemt?

• Jakobus 2:19

  Bloos aun Gott jleewen rieekjt nich too. Du motst daut uk doonen, waut hee en de Schreft sajcht.

• Jesaja 52:11; Openboarunk 17:5

  “Daut groote Babel”, ooda de faulsche Gloowes, lieren de Menschen, Gott soo auntobäden, aus hee daut nich fa rajcht talt. De faulsche Gloowes lieren biejlikj, daut Gott eene Dree-Eenichkjeit es, daut de Seel nich stoaft un daut Menschen em Halenfia jekjwält woaren.

• Openboarunk 18:4, 8

  Jehova woat boolt aule faulsche Gloowes äwatsied schaufen. Doawäajen motst du aules tochloten, waut met faulsche Gloowes to doonen haft.

• Markus 10:28-30

  Veleicht woascht du Jäajenstaunt kjrieen. Oba Jehova woat die nich veloten.