“Kjikj, hia es Wota; wuarom sull ekj mie nich deepen loten?” (Aposteljeschicht 8:36)

Wuarom saul eena sikj deepen loten, un woo?

Derch de Doop wiest eena, daut eena nich mea soo läft aus ieescht un daut eena von doa aun fa Gott läft.

• Matäus 28:19-20

  Om Jehova to deenen, mott eena jedeept sennen.

• Psalm 40:9

  Wan eena sikj deepen lat, wiest eena ver aulem, daut eena Gott deenen well.

• Matäus 3:16

  Bie de Doop mott eena gaunz em Wota unjajedukt woaren, krakjt soo aus Jesus.

“Wan wie Gott goot sent, dan hool wie siene Jebooten, un siene Jebooten sent nich schwoa” (1. Johanes 5:3)

Wuarom brukst du nich Angst haben, die Gott hantojäwen?

• Psalm 103:14; Jesaja 41:10

  Du brukst nich volkomen sennen, om die Jehova hantojäwen. Hee woat die halpen, daut rajchte to doonen.

• Kolossa 1:10

  Diene Leew fa Jehova woat die halpen, daut du nich mea Angst hast, daut du am aunschmäaren woascht.

“Mie es daut eene Freid dien Wellen to doonen, mien Gott, un dien Jesaz hab ekj em Hoat” (Psalm 40:9)

Waut motst du doonen toom die Jehova hanjäwen?

• Johanes 17:3

  GOTT SIEN WUAT STUDIEREN

  Soo lieescht du Jehova un Jesus Christus kjanen. Je bäta du dee kjanen lieescht, je dolla woascht du dee leewen.

• Hebräa 11:6

  EM GLOOWEN STOAKJ WOAREN

  Vetru opp aules, waut Gott vesproaken haft, uk doaropp, daut Jesus sien Opfa ons von Sind un Doot friemoaken kaun.

• Aposteljeschicht 3:19

  EEN LEETSENNEN HABEN

  Daut meent, daut die daut opp iernst leet es, waut du orrajcht jedonen hast.

  OMKJIEREN

  Daut meent, daut du met aules opphieescht, waut Gott fa orrajcht talt, un von doa aun daut rajchte deist.

• 1. Petrus 4:2

  DIE GOTT HANJÄWEN

  Daut bediet, daut du Gott em Jebäd vesprakjst, daut du am deenen west un daut sien Wellen en dien Läwen daut ieeschte kjemt.