“De jerajchte woaren daut Launt oawen un eewich doabennen bliewen” (Psalm 37:29)

Waut haft Gott sikj met de Menschen väajenomen?

• 1. Mose 1:28

  Gott wull haben, de Menschen sullen de gaunze Ieed to een Paradies moaken un sikj om de Tieren kjemren.

• Jesaja 46:9-11; 55:11

  Waut Gott sikj väajenomen haft, daut woat hee doonen, un kjeena kaun am doavon aufhoolen.

“De gaunze Welt [woat] vom beesen beharscht” (1. Johanes 5:19)

Wäa es de Harscha äwa dise Welt?

• Johanes 14:30

  Jesus muak dietlich, daut de Soton äwa dise Welt rejieet.

• Jakobus 1:13-15

  De Soton wull waut, waut am nich jehieed.

• 1. Mose 2:17; 3:1-6

  De Soton veleid Eva. Adam un Eva wieren Gott ojjehuarsom un tolatst musten see stoawen.

• Reema 3:23; 5:12

  Wie motten stoawen, wiels wie de Sind von Adam metjeorwen haben.

• 2. Korinta 4:3-4

  De Soton veleit de Menschen.

“Lot dien Rikj komen. Lot dien Wellen oppe Ieed . . . jedonen woaren” (Matäus 6:10)

Waut woat Jehova doonen?

• Daniel 2:44

  Gott siene Rejierunk woat aule Rejierungen en dise Welt aufschaufen un en dee äare Städ rejieren.

• Openboarunk 16:14-16

  En dän Kjrich von Harmagedon woat Gott dise beese Welt venichten.

• Jesaja 9:5-6

  Jehova haft Jesus toom Kjennich jemoakt en siene Rejierunk. Jesus woat vom Himmel äwa de Ieed rejieren.

“Du moakst diene Haunt op, un foodascht aules waut läft” (Psalm 145:16)

Waut woat Gott sien Kjennichrikj fa ons doonen?

• Psalm 46:10

  Daut woat kjeenen Kjrich uk kjeene schlajchte un grausome Menschen mea jäwen.

• Jesaja 32:18; 65:21-24

  En de niee Welt woaren aule een schmocket Hus un eenen schmocken Goaden haben un frädlich toopläwen.

• Jesaja 30:23

  Doa woat jenuach to äten sennen.

• Jesaja 11:6-9

  Tweschen de Menschen un de Tieren woat Fräd sennen.

• Jesaja 33:24; Aposteljeschicht 24:15

  Doa woat kjeena mea krank sennen; de Vestorwne woaren oppstonen.