“De latsta Fient, dee venicht woat, es de Doot” (1. Korinta 15:26)

Woo jeft de Schreft ons opp iernst Troost, wan doa wäa jestorwen es?

• 2. Korinta 1:3-4

  Wan doa wäa vonne Famielje ooda een gooda Frint stoaft, sent wie sea truarich. De Schreft jeft ons opp iernst Troost.

• Jesaja 25:8; 26:19

  Jehova haft de Macht, dän Doot fa emma äwatsied to schaufen. Hee woat soogoa dee, waut jestorwen sent, wada toom läwen brinjen.

“Mejalkje, ekj saj die, sto opp!” (Markus 5:41)

Wuarom kjenn wie ons secha sennen, daut de Vestorwne wada oppstonen woaren?

• Johanes 11:1-44

  Jesus wuak Lazarus vom Doot opp.

• Markus 5:22-24, 35-42

  Jesus wuak een Mejalkje vom Doot opp.

• Johanes 11:41-42

  Jehova jeef Jesus de Macht, de Doodes opptowakjen.

• Johanes 12:9-11

  Väle sagen daut, daut Jesus Doodes oppwuak. Soogoa siene Fiend wisten, daut hee daut kunn.

“Du woascht roopen un ekj woa die auntwuaten. Du woascht die bangen no waut du jemoakt hast” (Hiob 14:13-15, NW)

Wäa woat aula vom Doot oppjewakjt woaren?

• Johanes 5:28-29

  Aule, waut en Jehova sien Jedajchnis sent, woaren wada toom läwen komen.

• Aposteljeschicht 24:15

  De Jerajchte uk de Ojjerajchte woaren vom Doot oppstonen.

• Jesaja 40:26

  Jehova weet jieda Stiern biem Nomen. Dan kaun hee uk aules em Denkj hoolen von dee, waut hee vom Doot oppwakjen woat.

“Ekj go aulsoo han, junt de Städ reedtomoaken” (Johanes 14:2)

Wäa woat oppjewakjt toom em Himmel läwen?

• Efeesa 1:20

  Jesus wia de ieeschta, waut oppjewakjt wort toom em Himmel läwen.

• Lukas 12:32

  Jesus säd, daut mau weinich Menschen wudden oppjewakjt woaren toom em Himmel läwen.

• Openboarunk 14:1

  Jehova haft sikj 144 000 Menschen jewält toom em Himmel läwen.