8. Waut es Gott sien Kjennichrikj?
1 GOTT SIEN KJENNICHRIKJ ES EENE REJIERUNK
“Lot dien Rikj komen. Lot dien Wellen oppe Ieed jrod soo jedonen woaren aus em Himmel” (Matäus 6:9-13)
Waut es Gott sien Kjennichrikj?
Openboarunk 11:15
Gott sien Kjennichrikj, ooda Rejierunk, woat von em Himmel äwa de Ieed rejieren.
Openboarunk 17:14
Jesus es de Kjennich en Gott sien Kjennichrikj.
Openboarunk 14:1, 4
144 000 Menschen woaren met Jesus toop von em Himmel rejieren.
-
Jesus un de 144 000 kjennen vestonen, woo wie Menschen feelen un met waut wie to kjamfen haben.
2 JESUS ES DE BASTA HARSCHA
“Hee woat de oame met een jerajchtet Jerecht rechten” (Jesaja 11:4)
Wuarom es Jesus de basta Kjennich?
-
Aule menschelje Kjennichs motten stoawen, oba Jesus es onstoaflich. Aul daut goode, waut hee fa ons deit, woat fa emma un eewich bestonen.
Jesaja 11:2-4
Jesus kaun väl mea goodet doonen aus irjenteen Mensch. Hee es väl majchtja aus aule Harscha oppe Welt toop. Hee es jerajcht un metliedent.
3 GOTT SIEN RIKJ WOAT DOAFÄA SORJEN, DAUT SIEN WELLEN JEDONEN WOAT
“Gott [woat] em Himmel een eewjet Rikj oppstalen. Kjeena woat daut jeemols äwamajchtjen” (Daniel 2:44)
Waut haft Gott sien Kjennichrikj nu aul jedonen? Waut woat daut lota noch doonen?
Openboarunk 12:7-12
Nodäm daut Jesus aune 1914 Kjennich wort, schmeet hee dän Soton vom Himmel rauf no de Ieed. Doawäajen es doa soo väl Trubbel, Lieden un Weedoag oppe gaunze Ieed.
Liera 4:1; Openboarunk 16:16
Gott sien Kjennichrikj woat en Harmagedon aul de grausome, onopprechtje Rejierungen venichten.
Psalm 37:10
Menschen, waut schlajchtet doonen un sikj nich endren wellen, woaren venicht woaren.
Openboarunk 22:1-3
Wan Gott sien Kjennichrikj ieescht woat äwa de Ieed rejieren, woat kjeena mea krank woaren ooda stoawen. Aule woaren Gott sienen Nomen ieren.