Ons dreedoagscha Kongress es fa ons jieda Joa soo aus een Fast un wie freien ons aul emma sea doatoo. Wie wellen soo väl Menschen enloden, aus daut sest mäajlich es, soo daut dee daut uk utfinjen kjennen, woo goot Jehova es (Ps 34:9). De Eltestasch woaren entscheiden, woo daut em Jebiet daut baste jedonen kaun.

• Wanea hab wie dän Kongress?

• Wanea fang wie aun, de Enlodungen uttodeelen?

• Wanea sent de Toopkomes fa dän Prädichtdeenst?

• Woo kaun ekj methalpen, aulem entoloden?

• Wäm wudd ekj jleichen entoloden?

Bejreess dänjanjen soo, aus daut jeweenlich jedonen woat. Dan wurscht kjennen sajen:

“Wie halpen met, de Menschen aulawäajen disen Enlodungszadel to brinjen. Dee es fa een besondret Toopkomen. Opp disen Zadel es daut bowen, wua un wanea daut es. Jie kjennen doa wellich hankomen.”

Wie wellen soo väl Menschen aus mäajlich fa dän Kongress enloden. Un wan doa wäa intressieet es, dan well wie ons uk om dänjanjen kjemren.

Utgangs Wäakj wudd eena kjennen de Tietschreft toop met de Enlodunk aunbeeden.