Von Jaunewoa 2016 aun es opp de hinjaschte Sied von dän Wachtturm (Utgow fa aulemaun) de Artikjel “Die Antwort der Bibel”. Dee moakt daut leichta, daut wie kjennen aunfangen met aundre von de Schreft to räden, un es een bät soo jemoakt aus de Zeichnisbläda. Doa es eene Froag, wua de Persoon sajen kaun, waut see jleeft, un een Bibelvarsch, waut de Auntwuat jeft. Dan es doa noch oppoat eenjet, wua eena wudd äwa räden kjennen.

Wan eena met wäm fein von de Bibel vetalen kaun, kaun eena doaderch foaken Bibelstudiums aunfangen. Well wie disen nieen Artikjel brucken, om noch mea Menschen to halpen, waut jeistlich hungrich sent (Mat 5:6).

1. Froag dänjanjen, waut hee äwa eent von de Froagen denkjt

2. Hia too un low dän fa siene Auntwuat

3. Läs dän Bibelvarsch, waut unja “Was in der Bibel steht” aunjejäft es, un froag dänjanjen, waut hee doatoo sajcht. Wan dee Tiet haft, dan wurscht du uk noch kjennen von eenatlei räden, waut unja “Die Bibel sagt noch mehr dazu” es

4. Beed de Tietschreft aun

5. Beräd daut, daut du kaust wadakomen un von de tweede Froag räden